إزاي تقوي "عضلة إرادتك" وترجع لربنا صح

[Ramez5]

"نفسي أرجع لربنا وأبطل الغلط بس مش عارف..
إرادتي ضعيفة جداً !" 🛑💔كتير مننا بيجي يعترف
ويقول: "يا أبونا أنا مقتنع إن السكة دي غلط، ونفسي أتغير،
بس مفيش إرادة.. بضعف قدام الموبايل، أو الغضب، أو الشهوة"
أبونا لوقا بيقولنا إزاي تقوي "عضلة إرادتك" وترجع لربنا صح؟ 🤔

1️⃣ درب نفسك في "التوافه" عشان تنجح في "الكبار": 🏋️‍♂️
الإرادة بتحب الراحة والكسل، وعشان تقويها لازم "تغلس" عليها
ابدأ بحاجات صغيرة: قوم من النوم أول ما المنبه يرن،
اقفل الموبايل في وقت معين، بطل أكلة بتحبها (زي الشيكولاتة)
لو عرفت تقول "لأ" في الحاجات الهايفة دي،
هتعرف تقول "لأ" للخطية الكبيرة وقت الحرب
الكنيسة بتعلمنا ده فيالصوم، بنجوع بطننا عشان نقوي إرادة روحنا
.
2️⃣ شغل "الفرامل" اللي ربنا خلقها في دماغك: 🧠🛑
ربنا ميز الإنسان بحتة في مخه (القشرة الأمامية) وظيفتها
إنها تكون "فرامل" للغريزة . اللي بيمشي ورا شهواته بس
بيلغي الحتة دي ويبقى أقرب للحيوان
اضبط نفسك وطلع "الأستاذ" اللي جواك؛ وقف نفسك
قدام مراية ووبخها وقولها: "إحنا اتفقنا على إيه؟
قوم صلي وبطل دلع"

3️⃣ اطلب "ارادة مساعدة" (النعمة والقديسين): 🤝✨
لو الحمل تقيل عليك، استعين بواحد قوي يشيل معاك.
نعمة ربنا هي القوة المضمونة اللي بتسند الضعيف
اللي بينسحق قدامه ويقوله: "يا رب الحقني أنا غلبان"
وكمان اطلب شفاعة القديسين؛ قول لمار جرجس أو القديسة
دميانه: "إنتوا كنتوا شباب زيي وغلبتم، ساعدوني أعدي"
.
4️⃣ نضف "البيئة" اللي حواليك من الألغا.م: 🧹🚫
ما تستناش لما تقع وسط "المعمعة" وتقول إرادتي ضعيفة.
خد قرارك وإنت لسه قوي وبعيد.. ابعد عن الصحاب اللي
بيسحبوك لتحت، اقفل الموبايل لو بيأذيك، ونضف أوضتك
وتليفونك من أي حاجة بتحفزك للغلط
التحكم في الإرادة وهي بعيد أسهل بكتير
.
5️⃣ اكتب "لستة الوجع" و"لستة الفرح": 📝⚖️
لما تفوق، هات ورقة واكتب فيها كل العيوب والكسرة
اللي بتحس بيها بعد الخطية (كسوف من نفسك، كذب،
ضياع فلوس، عدم تناول).
والناحية التانية اكتب الميزات اللي كسبتها لما كنت ماسك نفسك.
أول ما الشيطان يزقك، طلع الورقة دي واقرأها؛
هتلاقي إرادتك قويت فوراً وقرفت من الغلط
.
الخلاصة: الإرادة مش كلمة، لكن الإرادة "تدريب"
اتعب نفسك النهاردة عشان تبقى بتاعتك بكرة،
وتعرف تمشيها يمين وشمال في سكة ربنا
.
ابدأ النهاردة.. ربنا مستني "زقة" منك وهيقوم معاك بالباقي! ❤️