فَلَمَّا رَآهَا الرَّبُّ تَحَنَّنَ عَلَيْهَا

[Dr-marina]

🪷🌸فَلَمَّا رَآهَا الرَّبُّ تَحَنَّنَ عَلَيْهَا، وَقَالَ لَهَا: «لاَ تَبْكِي». (لوقا ٧: ١٣)
لما يسوع شاف الأرملة قلبه تحنن عليها واتأثر بوجعها.
لوقا ماذكرش إن الست طلبت منه يقيم ابنها ولا إن حد من الموجودين طلب منه كده ..
لكن اللي حرّك الرب كان رحمته وحنانه عليها❤️
وده يورينا إن ربنا أحيانًا بيتدخل في حياتنا من محبته حتى قبل ما نطلب أو نتكلم.
ولما قال لها: "ما تبكيش" ماكانش مجرد كلام تعزية زي ما الناس بتقول وقت الحزن .. لأن الناس ممكن تواسي لكن ما تقدرش تشيل السبب الحقيقي للوجع.
لكن الرب قالها وهو قادر يغيّر الموقف كله وفعلاً أقام ابنها.

وده كمان يطمننا إن ربنا هو الوحيد اللي يقدر يمسح الدموع ويحوّل الحزن لفرح ويدينا رجاء إن الموت مش النهاية .. لأن فيه قيامة وحياة أبدية معاه.🙏🌸🪷