|
 |
 |
 |
|
رقم المشاركة : ( 1 )
03 - 03 - 2026, 11:19 AM
|
|||||||||||
|
|||||||||||
|
كنت مسافر القاهره من يومين ركب جنبى راجل كبير ، قام سالنى قالى عاوز اروح مستشفى كليوباترا اللى فى مصر الجديده اروح ازاى ، قولتله انت مش معاك حد ؟؟ قالى لا قولتله حاجز هناك يعنى ؟؟ قالى اه معايا حجز الساعه ١٢ الضهر ... قولتله انت ممكن ماتلحقش احنا لو القطر ماشى كويس ممكن نوصل ١٢ اصلا .. قالى ياسيدى خليها على الله ومبتسم كدا 😊.. قولتله تمام انا هاوصلك معايا انا ساكن قريب من هناك .. فضل يدعيلى جامد وقالى انا كنت متاكد ان ربنا مش هايسيبنى .. 😍 القطر فضل ماشى كويس وزى الفل او ماوصلنا بنى سويف عطل ، فضل عطلان اكتر من ساعه ، وانا عمال اهرى وانفخ انا كدا هاتاخر ،الغريب بقى ان الراجل اللى جنبى عنده كميه سلام عجيب ، ومش على لسانه غير " ياسيدى خليها على الله 😊" يابويا الكشف بتاعك هايضيع عليك وانت خابط مشوار من الصعيد اكتر من ٨ ساعات وفى الاخر ممكن ماتلحقش .. يبتسم ويقولى خليها على الله 😊 يابويا انا معايا مقابلة شغل ممكن تضيع عليا .. قالى ياسيدى ماتقلقش ربنا مش هايسيبك .. فضلت انفخ وانا بغلى من جوا .. بعدها بحوالى ساعتين القطر اتحرك وللاسف وصلنا الساعه ٢ الضهر،.. قولتله ايه هاتروح المستشفى ؟؟ ميعاد كشفك راح قالى هاروح وانا ونصيبى ياولدى .. قولتله تمام ، خدته معايا ودخلته المستشفى ، لاقيت حاجه غريبه جدا ، داخلنا الاستقبال واول ماقالهم اسمه قالوله يلا دورك دلوقتى .. 😳😳😳 دورك دلوقتى ازاى ؟؟ هو مش مفروض الساعه ١٢ ؟؟ البنت قالتلى لا ما اصل الدكتور اتاخر انهارده 😊 لاقيت الراجل بص ليا ومبتسم وقالى روح الحق مقابلتك وخليها على الله 😊.. الاتكال على الله خير من الاتكال على البشر .. اعمل اللى عليك وخليها على الله وماتفضلش قلقان كدا على طول 😊 
|
 |
|
| قد تكون مهتم بالمواضيع التالية ايضاً |
| الموضوع |
| اعمل اللى عليك وسيبها بالبركه |
| اعمل اللى عليك وافرح |
| اعمل اللي عليك و لو نقطة مية |
| اعمل اللى عليك |
| اعمل اللي عليك |
العرض العادي
