|
 |
 |
 |
|
رقم المشاركة : ( 1 )
03 - 03 - 2026, 11:07 AM
|
|||||||||||
|
|||||||||||
|
سمير شاب عنده ٢٨ سنه ، بيشتغل فى المعمار ، ٥ ديسمبر ٢٠١٨ إتخانق مع المقاول اللى معاه فى الشغل والراجل اللى إتخانق معاه هدده قدام الناس كلها بإنه هايمشيه من الشغل ومش هايديله مليم .... سمير كان فاضل شهرين على جوازه ومحتاج لكل قرش فا الموضوع ده كان بالنسباله مرعب .... سبب الخناقه ان الراجل ده كان عاوز سمير يغش بطريقه ما فى مواد البناء والفلوس اللى هاتطلع يقسموها مع بعض ، وده اللى رفضه سمير تماماً .. الراجل فعلاً يقدر يمشيه لأنه قديم جداً فى الشغل وله معارف فى كل حته .. تانى يوم سمير راح الشغل فى ميعاده قالوله مالكش شغل واسمك مشطوب من كشوف العاملين ، فضل يسأل إزاى؟؟قالوله مانعرفش إسال المقاول .. راح للمقاول وفضل يترجاه عشان يرجعه تانى الشغل .. راح المقاول قاله كلمه صعبه جدااا.. عارف لو بكيت بدل الدموع دم برضوا مش هاتنازل عن كلمتى .. مشى سمير من الشغل بعد ما إتسدت كل الابواب فى وشه وفضل يبكى زى العيل الصغير ، مش عارف يروح لمين ، ولا حتى يعمل ايه .. يخالف ضميره ويسرق عشان ياكل عيش ومايطردش من شغله ولا يخاف ربنا ويجوع .. فضل يمشى لغايه ما وصل البيت ودخل اوضته من سكات وفضل يصلى لربنا .... يرضيك يارب كلمة الظالم تعلا على الحق، يرضيك فرحتى تتكسر دانا خلاص فرحى بعد شهرين ، اعمل ايه دانا عليا فلوس اسدها ازاى؟؟؟ انا واثق فيك يارب انك مستحيل هاتسيبنى ، واثق فيك انك معايا فى كل خطوه ، لكن ارجوك خفف الوقت عليا انا ضعيف مش هاقدر اتحمل لوحدى ، ارجوك .. 😢😢 نام سمير من شدة التعب لكنه نام وهو ماسك فى ايديه ورقه .. الساعه ٣الفجر صحى سمير من القلق وماقدرش ينام تانى ، شال الورقه فى دولابه وقال يارب فرحنى .. ❤ سمع صوت مطر شديد ، راح على الشباك لقى المطر غزير كأن السما بعتاله رساله فرح 🎁❤.. الساعه ٧ وسمير لسه مانمش اتصل به واحد صاحبه قاله .. - انت فى ايه بينك وبين ربنا ، صاحب الشغل بعد ماعرف اللى حصلك اتصل بنفسه انهرده الصبح وأكد على المقاول قاله سمير لو مارجعش الشغل تانى تسلم الشغل اللى معاك وتمشى .... طار سمير من الفرحه وشكر ربنا جدااا ، وقاله كلام ابويا دايما صح 😅 صاحبه قاله لا ده شكله الموضوع كبير وانت واسطتك تقيله ، انا جايلك .. راح لسمير وقاله كلام ابوك ايه اللى صح انت مش ابوك متوفى من ١٥ سنه !! راح سمير على الدولاب وطلع ورقه وقاله ادى كلام ابويا .. فتح صاحبه الورقه ولقاها مكتوب فيها بخط الايد .. " الضعيف قوى بالله " 
|
 |
|
العرض العادي
