|
 |
 |
 |
|
رقم المشاركة : ( 1 )
21 - 02 - 2026, 07:17 PM
|
|||||||||||
|
|||||||||||
 اتخبط… والتونية طارت واتعلّقت في مراية العربية اللي هربت… وفجأة صوت جوّا العربية قال للسواقة: «وقّفي حالًا!» 👇 في شهر مايو 2002… أحد شمامسة كنيسة مارمرقس بمصر الجديدة رايح يصلي في كنيسة الملاك بشيراتون. نزل من المترو قريب من الكنيسة وماشي في طريقه… وفجأة عربية عدّت جنبه وخبطته خبطة خفيفة! والمفاجأة اللي ما تتفسرش بالعقل بس: الشنطة اللي في إيده… وفيها التونية … طارت واتعلّقت في مراية العربية الجانبية! والعربية كملت جري … وهو جري وراها بكل اللي يقدر عليه ، بس المسافة كانت بتكبر. وقف في الآخر… حزين ومكسور… ورفع عينه للسماء وقال بعتاب: «يا ملاك ميخائيل… ترضى إن تونيتي تروح، واتخبط بعربية، وأنا جاي أصلي في كنيستك؟» وفي لحظة… العربية وقفت من بعيد لوحدها! الشماس جري لحد ما وصل… لقى سيدة سايقة العربية. قالها: - «إنتِ ماحستيش إنك خبطتيني؟» قالت: «لا…» - «وماشفتيش إن شنطتي متعلّقة في مراية عربيتك؟» قالت: «لا…» - «طيب وقفتي ليه دلوقتي؟» قالت جملة تقشعر لها: «سمعت صوت جوّا العربية بيقولّي: وقّفي العربية حالًا… في حقيبة متعلّقة بالمراية!» اعتذرت… وهو أخد التونية وكمل طريقه الكنيسة … يشكر ربنا ويشكر الملاك ميخائيل “السريع في الاستجابة” 🙏 🤍 الرسالة: إنت مش لوحدك… حتى لو الدنيا بتخبطك وتسرق منك السلام في ثانية. الملائكة والقديسين سامعين… وقريبين… وبيتدخلوا أكتر مما تتصور. ليه تقف كأنك وحيد… ومعاك جيش سماوي حواليك؟ اتكلم مع ربنا… واطلب شفاعة قديسيك… وكلّم الملاك ميخائيل. هتلاقي معونة عند كل احتياج… وفي الوقت الصح. 
|
 |
|
العرض العادي
