ليك كل المجد فى الاعالى وفى حياتى

[walaa farouk]

يا رب المجد✨
المجد كله ليك في الأعالي،
أنت الأعظم والأعلى،
ومفيش حد يستاهل الحمد والشكر غيرك. 🙌

سامحني يا رب لما بشوف المجد بمقاييس الدنيا
وببقى مستني منك عظمة وقوة زي الملوك👑

سامحني يا رب على غروري وسعيي ورا البراندات والمظاهر،
وعلى خوفي من إني أعيش ببساطة.🚫

علمني يا رب أشوف مجدك الحقيقي في التنازل والمحبة
اللي ظهروا في ميلاد المسيح في المذود المتواضع. 🙏

يارب،
اديني القوة عشان أقبل "المذود" في حياتي،
وأرضى بالقليل، وأخدم اللي حواليا وأحب اللي مش بيحبني.
خلي حياتي كلها تبقى مراية صغيرة بتعكس نورك ومحبتك لكل الناس،
عشان لما يشوفوني ميشوفوش غيرك. 🕊️💖

خلي كل تصرف مني وكل نجاح أو توفيق
أقول فيه من كل قلبي: "المجد لله في الأعالي"🌟
آمين. 🙏✨