هو هياخدك من إيدك ويوريكي الطريق

[walaa farouk]

آية مُحيّرة بس حكايتها بسيطة (نشيد الأنشاد)
"إن لم تعرفي أيتها الجميلة بين النساء..." 🐑👣

بعد ما العروسة سألت بلهفة في الآية اللي فاتت وقالت:
"أخبرني يا من تحبه نفسي، أين ترعى، أين تربض عند الظهيرة؟"

كانت خايفة تتوه أو تفضل "مقنعة" بتلف ورا الرعاة ومش لاقية حبيبها..
النهاردة جه الرد من "الراعي" نفسه، بس رد غير متوقع في الآية 8:

"إن لم تعرفي أيتها الجميلة بين النساء،
فاخرجي على آثار الغنم، وارعي جداءك عند مساكن الرعاة."
(نشيد الأنشاد 1: 😎

الحكاية بتبدأ بـ"أيتها الجميلة" 🌸
أول حاجة ربنا عملها
إنه ملمهاش إنها مش عارفة الطريق،
بالعكس،
ناداها بلقب "الجميلة بين النساء".

كأنه بيقولك: "حتى وأنتِ تايهة وحرانة وتعبانة،
أنتِ في نظري أجمل واحدة، وقيمتك محفظوظة عندي".

طيب والحل يا رب؟ أنا تايهة! 🤔
ربنا أداها "خريطة طريق" من خطوتين:

1. "فاخرجي على آثار الغنم" 👣
ربنا بيقولها: لو مش عارفة توصلي لي لوحدك، بصي تحت رجلك.
. شوفي "آثار أقدام" الغنم اللي مشيت قبلك ووصلت لي.

"الغنم" دول هما القديسين، والناس اللي عاشوا مع ربنا بجد وسبقونا للسماء.

يعني لما تتوه، مش لازم تخترع طريق جديد..
شوف الناس اللي قبلك عملوا إيه في وقت الضيقة (الظهيرة)
واتعلم منهم الصبر والصلاة، وهتلاقي نفسك وصلت لنفس المكان اللي أنا فيه.

2. "وارعي جداءك عند مساكن الرعاة" 🏠
"الجداء" هي صغار المعيز
(بترمز للمسؤوليات أو حتى لضعفاتنا الصغيرة)
وربنا بيقولها: متسرحيش بضعفاتك في الصحراء لوحدك وتتوهي..
خليكي دايمًا قريبة من (مساكن الرعاة)

"مساكن الرعاة" هي الكنيسة، هي المكان اللي فيه الإرشاد والتناول والكلمة اللي بتشبع.

طول ما أنتِ جوه "المسكن" ده، مستحيل تضيعي من الراعي الأصلي.

الخلاصة: الحكاية بسيطة ومطمئنة..
لما تحس إنك مش عارف تروح فين، والظهيرة (مشاكل الحياة) حمت عليك،
متقعدش تدور في "خيالك" وتقول ربنا فين..

بص على "آثار" الناس اللي قبلك،
وخليك قريب من "بيته" (الكنيسة)..
هناك هتلاقي الراعي مستنيك في الضلة،
وهتكتشف إنك لسه في نظره "الجميلة بين النساء".

وساعتها بس هتفهمي إن:
لا "الشمس" هتقدر تلوحك تاني، ولا كلمة "أنا سودة" هتشغل بالك..

لأنك مش هتكوني "تائهة ومقنعة" وسط الزحمة،
ولا هتتعبي نفسك في "حراسة كروم" ومشاكل مش بتاعتك.

أنتِ بس قولي له "اجذبني وراك"..
وهو هياخدك من إيدك ويوريكي الطريق
ويحسسك إن حبه أحلى وأغلى عندك من أي "خمر" أو فرح عالمي.