|
 |
 |
 |
|
رقم المشاركة : ( 1 )
22 - 01 - 2026, 12:52 PM
|
|||||||||||
|
|||||||||||
|
عيد عرس قانا الجليل ... وعارفه انه كان امبارح 🙈😅 عيد الـ " عشان خاطري " اول عشان خاطري بيتهيالي اتذكرت أن العذراء طلبت من المسيح أن يساعد الناس اللي كانوا عندهم ... و أما قالها انا لسه مجاش وقتي .. زي ما نقول كده قالتله يا ابني عشان خاطري .. ف مستناش ... امه برضوا يعني ❤️ ف حصلت معجزة الخلق من العدم ديه ... يخلق ماده من مادة تانية خالص .. . و الناس كلها يدخل قلبها الفرح .. و يبارك المسيح عرس قانا الجليل و يفرح العروسين و الجمع كله و دايما نصلي في اي اكليل للعروسين ربنا يباركهم زي ما بارك العروسين في عرس قانا الجليل ... في يوحنا الإصحاح الـ٢ «وفي اليوم الثالث كان عرس في قانا الجليل ، وكانت أم يسوع هناك.»(يو٢ : ١) المسيح يبدأ خدمته من فرح إنساني بسيط (عرس)، ليؤكد حضوره في تفاصيل حياتنا اليومية، مش في الهيكل بس. واتقال «وكانت أم يسوع هناك» علشان التركيز كله يكون على يسوع، ودي كانت أول معجزة ليه. (٢) «ودُعي أيضًا يسوع وتلاميذه إلى العرس.» دعوة المسيح للعرس هي دعوة للبركة . وجوده يحوّل أي مناسبة عادية لمساحة نعمة. (٣) «ولما فرغت الخمر قالت أم يسوع له: ليس لهم خمر.» تأمل: قد فرغ خمر الفرح 🥺 العذراء شافت الاحتياج قبل ما حد يتكلم، وقدّمته للمسيح بثقة، من غير ما تملي عليه يعمل إيه. كأنها بتقوله: أعلن عن وجودك … هي مؤمنة إن عنده حل لأي مشكلة. العذراء الأم بتهتم بولادها اللي هما إحنا ، وتقول لابنها: ليس لهم فرح. 🥺 وهي لحد دلوقتي، حاسّة بكل قلب مش فرحان ، وتتشفع علشانه لحد ما المسيح يدخل حياته ويفرحه. (٤) «قال لها يسوع: ما لي ولك يا امرأة؟ لم تأتِ ساعتي بعد.» ما قالش يا أمي، قال يا امرأة، مش تقليل ، لكن علشان يوضح إن اللي هيعمله ده مش كإنسان أخد جسد منها، لكن بعمل لاهوته كابن الله. مش انفصال بين لاهوته وناسوته، لكن في أعمال خاصة بلاهوته. وهو لسه مكنش صنع أي معجزة قبل كده، وعشان كده قال الإنجيل: «هذه بداية الآيات». لكن العذراء كانت شايلة جوا قلبها أسرار عظيمة عنه من يوم ميلاده، زي ما قال لوقا: «إذ سمعت كل الأقوال عن الطفل كانت تحفظ جميع هذه الأمور في قلبها» (لو ٢: ٥١). (٤) « لم تأتِ ساعتي بعد.» دي مش رفض. دي إعلان إن كل حاجة ليها وقت إلهي ، لا بعاطفة بشرية فقط. طب ليه عمل المعجزة في نفس الوقت؟ بسبب احترامه العظيم لأمه حتى في انجيل لوقا قال كان "خاضعًا لوالديه" (لو 2: 51) (علشان خاطر العدرا يارب 🥺🤲  وعلشان ساعته للمعجزات العلنية قدام الكل لسه مجتش، لكن هو يعمل دايمًا. والمعجزة تمت بهدوء ، الخدام بس هما اللي عرفوا، لا رئيس المتكأ ولا العريس. (٥) «قالت أمه للخدام: مهما قال لكم فافعلوه.» لم تعاتبه على كلماته، لأنها أدركت السرّ على الأقل جزئيًا . وحسّت بالرضا، فقالت للخدام: اسمعوا كلامه وبس. دي وصية الحياة الروحية: طاعة كاملة حتى لو مش فاهمين. (٦) «وكانت ستة أجران من حجر موضوعة هناك…» الأجران الحجرية ترمز للناموس الجامد، اللي المسيح جه يملأه حياة. (٧) «قال لهم يسوع: املأوا الأجران ماء… فملأوها إلى فوق.» الامتلاء والطاعة الأول، وبعدها التحويل. (٨) «ثم قال لهم: استقوا الآن وناولوا رئيس المتكأ.» دي خطوة إيمان: تقدّم اللي شكله عادي، وتثق إن ربنا اشتغل فيه. هو عرف إن الخمر جيد... . لكن ما عرفش الإحراج اللي كان موجود الارتباك والنكد الأجران الفاضية تعبهم وحيرتهم وهما مش عارفين بيملوا الاجران مية ليه ؟؟؟ نظرتهم للمسيح وشغف الانتظار هو هيعمل ايه بالمية والاجران وانتظار الكلمة الخدام كانوا واقفين من أول اللخبطة لآخر الفرح . وكأن الإنجيل بيقولنا: مش كل اللي يتفرج على عمل ربنا يعرفه .... اللي يخدم هو اللي يشوفه من جوه. (٩) «فلما ذاق رئيس المتكأ الماء المتحوّل خمرًا…» الله أحيانًا يعمل في الخفاء، لكن النتيجة تبقى واضحة وقوية. (١٠) «كل إنسان إنما يضع الخمر الجيدة أولًا… أما أنت فقد أبقيت الخمر الجيدة إلى الآن.» مع الله، الأفضل لا يضيع… بل يأتي في الوقت الأنسب. (١١) «هذه بداية الآيات فعلها يسوع في قانا الجليل، وأظهر مجده، فآمن به تلاميذه.» المعجزة مش هدف، المعجزة طريق للإيمان. يــارب أعلم أن اجراني فارغة فهل لك أن تهبني ملء الفراغ بفيض حبك ونعمتك وفرحك 🙏 فأنا أؤمن أنك إله قادر ورحيم وحنون🤲💪❤️ 
|
|
العرض الشجري