|
 |
 |
 |
|
رقم المشاركة : ( 1 )
19 - 12 - 2025, 01:29 AM
|
|||||||||||
|
|||||||||||
|
عالج اللي جوانا يا رب.. الحاجات اللي بنصِحى عليها من غير ما نفهمها.. الخوف اللي بيهزّ القلب من غير سبب.. الحزن اللي بيقعد جنبنا من غير ما ينطق.. والمشاعر اللي مش لاقيين لها اسم ولا تفسير. إحنا ساعات بنكون واقفين قدّام وجع ملوش شكل.. تعب ملوش عنوان.. وارتباك مش عارفين نمسك طرفه منين. بنحاول نفهمه.. بنحاول نسمّيه.. بنحاول نصلّح نفسنا بنفسنا.. بس الحقيقة إن في حاجات مابيتحلّش عقدها غير بإيدك إنت. مدّ إيدك جوّه الأماكن اللي إحنا مش عارفين نوصل لها.. دخل نورك في الزوايا اللي اتعتمِت.. غطّي ضعفنا بسلامك.. وعالج جوّانا الحاجات اللى محدّش سامعها غيرك. إحنا بندّيك اللي مش مفهوم.. اللي مش مترتّب.. اللي مش متشاف.. وواصلين إنك قادر تحوّل اللي مش مفهوم لراحة.. واللي موجع لشفا.. واللي متقلّب لثبات. إشفِي يا رب اللي جوّه ومحدّش يعرفه.. إشفِي اللي حتى إحنا مش عارفين نسمّيه. 
|
 |
|
| قد تكون مهتم بالمواضيع التالية ايضاً |
| الموضوع |
| حُلو "داود" اللي خلاّنا نطلّع ڪل اللي جوانا |
| شاول اللي جوانا |
| قوم لعازر اللي جوانا |
| الهدايا من لغات الحب اللي بتعبر عن اللي جوانا |
| يهوذا اللى جوانا |
رد: عالج اللي جوانا يا رب
العرض العادي
