روحي تعبانة يا رب

[walaa farouk]

روحي تعبانة يا رب.. الوجع ماليها ومش لاقي دواء يسكّنها..
فيه جروح مش بتتعالج بكلام الناس ولا بتطيب مع الوقت..

أنا جاي لك زي ما أنا.. مكسور وضعيف
ومش قادر أكمّل لوحدي.
. يمكن ابتسامة على وشي بتخفي اللي جوا قلبي.
. بس انت شايف العمق..
شايف كل دمعة وكل تنهيدة مخنوقة..

وجعي مش مجرد شعور.
. ده حمل تقيل مش قادر أشيله
.. ساعات بحس إني مش فاهم نفسي ولا فاهم اللي بيحصل.
. بس متأكد إنك إنت فاهمني.. ومش بتسيبني في ضعفي..

اديني يا رب سلام داخلي.. حط بلسمك على أوجاع روحي.
. اشفيني من كل خوف وكل كسر وكل وجع.
. خليك قربي دلوقتي أكتر من أي وقت..

أنا ماليش غيرك.. ولا ليَّ مكان أرتاح فيه غير حضنك.
. انت الطبيب اللي بيشفي بلا أدوية.
. والسند اللي بيرفعني حتى وأنا من غير قوة..

خلي روحي تفرح بيك وسط الحزن..
وتتهدى بيك وسط العاصفة.
. وتلاقي أمانها فيك مهما الدنيا هزّتني..