|
 |
 |
 |
|
رقم المشاركة : ( 1 )
11 - 10 - 2025, 07:49 PM
|
|||||||||||
|
|||||||||||
|
الإنسان بيتعلم أعمق الدروس وقت التجربة .. مش لأن التجربة حلوه .. لكن لأن الضيق بيكشف جوانب فيك ما كنتش تعرفها.. بيحطك قدام نفسك من غير لافتات ولا زخرف. وبيخلي الحقيقة تطلع من جواك.. علشان كده اللي يعدّي بمحنة بجد ما يرجعش زي ما كان .. يرجع أقوى وأنضج وأصدَق مع نفسه ومع ربنا.. ساعات سنين العافية بتطوّي مهارات سطحية.. بتعلّمك كيف تعيش مرتاح وسط روتين وتكرار .. لكن التجربة بتعلمك الثبات.. بتعلّمك إن السلام مش مرتبط بالظروف.. وأن الرجاء ممكن يضحّي بالراحة المؤقتة علشان يجيب فجر أعظم. . التجربة بتشيل الأقنعة وتكشف معدن الإنسان.. وده درس ما يتعلّمش في مكتبات ولا من نصايح.. ده درس بتعطيه لك الحياة بيد ربنا.. وانت واقف في وسط المحنة.. افتكر إن مش كل وجع ضار.. بعض الجراح بتيجي تشد روحك.. تصقل إيمانك.. وتزوّدك بحكمة ما كانتش هتيجي غير بالطريق ده.. لما تصلي وتسلّم ألمك، ربنا بيشتغل في داخلِك.. بيزرع قوة جديدة بتخليك توقف بعد السقوط وتقول بصوت أهدأ أنا ما انتهيتش.. ما تخافش من الزمن الصعب.. ولا تستصغر أثر وقوفك فيه بصدق. . لأن اللي يصبر ويطلب وجه ربنا في الضيق.. ربنا يعوّضه بأكثر مما تمنّى.. التجربة مش نهاية.. هى معمل إعداد.. وهى اللي بتجيبك لمرحلة من الحياة تقدر تستوعب فيها بركات أكبر ومسؤولية أعظم.. فخليك واثق.. خليك ثابت.. واستقبل درس التجربة بصدر مفتوح. . وادّيها للي بيصلح القلوب.. اسكت واسألها تربّي فيك لما تتألم.. وساعتها هتلاقي إن كل ألم كان استعداد لفرح جايلك ما كنّتش تحلم بيه.. 
|
 |
|
العرض العادي
