ليس الصليب في ان تحمله علي صدرك

[Ramez5]

ليس الصليب في ان تحمله علي صدرك .
جايز يكون صليبك انك عايشه مع واحد ياءس فاقد الرجاء وبعد عن ربنا وانتي من أجل حبك لله تعبتي من أجل هذا الشخص كثيرا وبددتي يائسه وحولتي هذا الياس لرجاء وارجعتيه الي حضن الله لكن اوعي ترفضي صليبك لا اكليلك يضيع منك انسانه قعدت تخدم جوزها ١٥ سنه دون كلل بل بفرح ولكن ضحك عليها الشيطان في مره ضيع اكليلها ففي يوم قالتله انا قرفت وزهقت منك وقع مات في اللحظه والتو وضاع تعب خمسه عشر سنه في لحظه
جايز يكون صليبك في الحياه اضطهاد في شغلك في طريقك في كليتك من أجل انك مسيحي وتحتمل هذا الصليب بفرح لان السيد المسيح قال (طوبي لكم اذا عيروكم وطردوكم وقالوا فيكم من أجلي كل شر كازبين
جايز يكون صليبك احتمال احتملت من أجل هذا البر من أجل وداعتك من أجل هدوئك من أجل مسامحتك وشوهوا صورتك لكي يهدموا خدمتك ودفعت ثمن كبير من أجل سكوتك وغيرك بياخد القلم قلمين والشتيمه شتمتين وانت من أجل المسيح احتملت كل هذا بفرح
جايز يكون صليبك مرض زي لعازر المسكين الذي تحمل كثيرا من أجل الله لدرجه ان الكلاب كانت تلحس قروحه واحتمل من أجل الله
جايز يكون صليبك في الحياه استلامك لخدمه صعبه وربنا حطك فيها وانت من أجل الله احتملت ظروف هذه الخدمه وما فيها من صعوبات كفيله انها تقضي علي حياتك
جايز يكون صليبك انك احتملت من أجل الخدمه ومن أجل الله الفقر والعوز وحرمت نفسك لكي تعطي غيرك الخدمه مش ميكرفون وذات وشهره .الخدمه فقر ليك وغني لضال الذي ستجلبه للمسيح .الخدمه انك تموت ليحيا غيرك مش تموت غيرك علشان تعيش انت .الخدمه اوعي تعلق فشلك علي غيرك ولا تنتظر الضال الضال لو جه هايكون عمود في الكنيسه يدافع عنها مش لما نجيب الضال نسلط المسئول علشان يهدم الخدمه من أجل انك تفوز بذاتك ده انت كده تبقي مريض واللي سمع كلامك مريض زيك
جايز يكون صليبك في اتعابك لجسدك في النسك في الذهد في المطانيات في الصوم في السهر في العباده لاتعطي لعينك نوما ولا لصدغك راحه الا ان تجد موضعه في حضن الله
اما حياه كلها راحه ومتعه من غير الم يبقي فين الصليب ده يمكن في حياه الراحه والهدوء تطلب من ربنا معجزه يبقي انت عايز جبل التجلي ولا تريد جبل الجلجثه .عايز النور المبهر علي جبل طابور ولا يعجبك الدم المسفوك علي جبل الجلجثه او العرق المسفوك في بستان جثيماني

ابيدياكون جمال مرقس

[Mary Naeem]

شكرا على العظة
ربنا يفرح قلبك