|
 |
 |
 |
|
رقم المشاركة : ( 1 )
16 - 09 - 2025, 08:37 PM
|
|||||||||||
|
|||||||||||
|
أجمل أنواع الانتظار فعلًا مش مجرد إنك تقعد تستنى حاجة تيجي ، لكن إنك تستنى وأنت عارف إنك زرعت وسعيت وتعبت ودفعت من روحك قبل جسدك. هو انتظار فيه رجاء، مش يأس… انتظار مليان ثقة إن اللي عند ربنا ليك أعظم من اللي أنت متصوّره . يمكن الأيام بتمر ببطء، ويمكن قلبك ساعات يضعف ويتسائل “هو إمتى؟”، بس في نفس اللحظة اللي بتحس إنك خلاص هتستسلم، تلاقي لمسة من ربنا بتقوّيك وتفكرك إن كل تأخير مش إهمال، لكنه إعداد. الانتظار ده بيصنع فيك عمق ماكنتش هتوصل له من غيره ، وبيعلّمك إن القيمة مش في الوصول بس، لكن في الرحلة كلها: في دموعك اللي نزلت وانت بتحاول ، في الصلوات اللي كنت فيها ضعيف، في الأمل اللي رفضت تتخلى عنه . وحين ييجي اليوم اللي يتحقق فيه حلمك أو تتفتح قدامك الأبواب اللي طول عمرك دقّيت عليها، هتعرف إنك ماكنتش بس مستني… لكن كنت بتتبني من جوّه. فانتظر، مش بخوف ولا بقلق، لكن بسلام واطمئنان… لأن إيدين ربنا اللي ماسكة الزمن، هي نفس الإيدين اللي ماسكة قلبك. 
|
 |
|
| قد تكون مهتم بالمواضيع التالية ايضاً |
| الموضوع |
| اللي فات مش خسران لأنه بين إيدين ربنا بيتحوّل لحصاد مجيد |
| اللي تحطه بين إيدين ربنا |
| إيد ربنا ماسكة في إيدك |
| ربنا ايده ماسكة فيك |
| متستعجليش على ماسكة الموبايل |
العرض العادي
