إيماننا بيك هو كل اللي عندنا

[walaa farouk]

إلهي… إحنا مش محتاجين نفهم كل حاجة،
ولا نعرف إزاي ولا إمتى،
كفاية إننا نؤمن… وإنك أنت “قادر”.
بنقف قدامك بضعفنا، بحيرتنا، بظروفنا اللي فوق طاقتنا،
وبنقولها ببساطة الطفل اللي ماسك في إيد أبوه:
“إحنا مصدقينك، وإنت تقدر”.
مش لازم نكون فاهمين خطتك،
ولا شايفين الطريق كله…
إحنا بس محتاجين نكون قريبين منك،
ومرتاحين في حضنك.
لأنك لما تقول “كن”،
بيكون.
ولما توعد… بتوفي.
ولما تتدخل… بتغيّر المستحيل.
إيماننا بيك هو كل اللي عندنا…
وإنت، بكل سلطانك ومجدك، هو كل اللي محتاجينه.