|
 |
 |
 |
|
رقم المشاركة : ( 1 )
يوم أمس, 09:46 AM
|
|||||||||
|
|||||||||
|
" بص يا أبونا ، انا خلاص تعبت ، بابا بقى صعب جدا ... محدش فينا فى البيت عارف يتعامل معاه.. و ده مش رأيي أنا لوحدي ، لا ده كمان ماما و أختي ، و عايشين بسببه فى غضب و نكد مستمرين .. هو ما يعرفش يعني ايه تفاهم 😓 " بدأ مينا بالكلام ده مع أب إعترافه ، و بدل ما كان جاي يعترف بخطاياه، بقى بيقول خطايا والده 💔 حس ابونا بمشاعر مينا و قد ايه هو مسكين و أسرته كمان ، و كل البيت محتاج خدمة و محبة و رعاية 😔 و رد ابونا بابتسامه للولد و قاله : تفتكر مين الغلطان ؟؟ إنت ولا بابا ؟! رد مينا بسرعة : بابا طبعا !! فقاله ابونا : طيب انت قمت بمسؤوليتك ناحية والدك ؟ إستغرب مايكل جدا من سؤال و كلام أبونا و رد عليه و قاله: مسؤولية ايه بس يا أبونا ؟ هو الكبير مش أنا ، و بعدين بقول لحضرتك انه مش بيتفاهم، عصبي جدا و مش بيسمع لحد، ده حتى أصحابي بطلوا يزوروني بسببه. فرد ابونا و قاله : طيب عندك ايمان إن ربنا قادر يغير من طبع بابا للأحسن ؟ رد مينا و قال : أومن أكيد . فرد ابونا : طيب إيه رأيك نصلي من أجله و نعمل ميطانيات عشانه ؟؟ مينا إتفاجئ من طلب أبونا 😯 و سكت ابونا شوية و كمل كلامه : كلنا عندنا مسؤولية ناحية بعضنا و خليك انت الأكبر و صلي من أجل بابا و ا إعمل ميطانيات عشانه و لما تشوفه متعصب او غضبان ما تتنرفزش ، بالعكس قابل الغضب ده ببشاشة و اخدمه بكل محبة . بص مينا لابونا و ابتسم بس من جواه كان حاسس ان كلام أبونا صعب انه يتنفذ، مش صعب بس ده مستحيل. و فاتت أسابيع .. و اتفاجئ أبونا بمينا جاي مبسوط و الابتسامه منورة وشه ، فسأله ابونا عن احواله و أحوال اسرته و عن سر الابتسامه الحلوة دي ؟ و رد مينا على سؤال أبونا برد غير متوقع ، مش هتصدق يا أبونا.. 🤗 انا اول مرة أحس و ألمس نعمة ربنا بالشكل ده .. كل حاجة اتغيرت ١٨٠ درجة .. 🙈 بابا بقى شخص لطيف جدا جدا ☺️ و مش معايا انا بس .. ده مع ماما و أختي كمان ، ده حتى أصحابي بقوا متصاحبين عليه ، دي معجزة أكيد يا أبونا.. معجزة 😇 أنا اتعلمت و عرفت إزاي أكون الكبير .. بمسؤوليتي ناحية اللى حواليا و اصلي من أجلهم و اعملهم ميطانيات.. شكرا يا أبونا 
|
|
يوم أمس, 10:25 AM
|
رقم المشاركة : ( 2 ) | ||||
|
† Admin Woman †
|
رد: بابا بقى صعب جدا
قصة فى غاية الروعة ربنا يفرح قلبك |
||||
|
|
 |
|
العرض العادي
