قبل ما تنطق الكلمة هو سامعك

[walaa farouk]

قبل ما تنطق الكلمة، هو سامعك
وقبل ما ترفع إيدك، هو شايفك
قبل حتى ما تفهم احتياجك… هو عارفه
لأنك مش مجرد رقم في وسط الملايين،
أنت ابنه… وحاضر دايمًا قدامه

الناس محتاجة تشرح،
تتكلم كتير عشان تُفهم،
لكن معاه؟
كفاية تنهيدة، كفاية دمعة،
كفاية صمتك اللي بيصرخ وهو فاهمه

ما تخافش من الاحتياج،
ولا من التأخير،
ولا من سكوت السماء…
لأن إلهك بيشتغل في الخفاء
وبيحضّر لك الإجابة قبل ما السؤال يطلع من قلبك

ده وعده:
«أباكم يعلم ما تحتاجون إليه قبل أن تسألوه»