|
 |
 |
 |
|
رقم المشاركة : ( 1 )
19 - 08 - 2025, 07:14 PM
|
|||||||||||
|
|||||||||||
|
لما تيجي تتخيل صورة الغطّاس اللي بيحضّر نفسه علشان يكتشف العمق اللي تحت الماية… بحس إن إحنا كمان محتاجين نحضّر نفسنا علشان نوصل للعمق اللي فينا. الغطّاس محتاج بدلته اللي تحميه من البرد والجروح… وأنا محتاج مساحتي.. أقعد معايا.. أسمعني. الغطّاس محتاج نضّارته اللي تساعده يشوف الدنيا حواليه بوضوح تحت الماية… وأنا كمان محتاج الصراحة.. أكون نفسي.. أعرف ضعفي وقوتي.. وأعترف بعيوبي. الغطّاس محتاج أسطوانة الأكسجين.. عشان يتنفس وقت الضغط من غير ما يتخنق… وأنا كمان محتاج أسامحني.. أعامل نفسي بلطف وطبطبة.. وأتأنى على نفسي. الغطّاس محتاج الزعانف.. عشان يقدر يتحرك ويكتشف بأسهل طريقة… وأنا محتاج أتعلم.. أفهم وأجرب حاجات فاتت حبيتها. . وأتعرّف على حاجات جديدة كنت خايف منها. الغطّاس محتاج شريك.. ماينفعش يغطس لوحده وإلا هيعرّض نفسه للخطر… وإنت كمان محتاج دعم.. سند في ضهرك… حد يبقى معاك خطوة ورا خطوة وأنت بتكتشف نفسك. 
|
 |
|
العرض العادي
