الحب الحقيقي دايماً راحة وسلام

[walaa farouk]

الحب بيبقى مؤذي لما يتحول لقيد… وبيبقى شفاء لما يبقى حضن.
بيكون مؤذي لما يخلّيك تشك في نفسك،
لما تحس إنك دايمًا مطالب تثبت إنك تستحقه،
لما تبقى بتجري ورا شخص كل اللي بيعمله إنه بيبعد،
لما تبقى حاسس إنك بتضيع فيه بدل ما تلاقي نفسك.
لكن نفس الحب،
بيكون شفاء لما تحس إنك حر وأنت بتحب،
لما تحس إنك مسموع ومقبول حتى من غير ما تشرح،
لما تلاقي اللي بيطبطب على كسرك مش اللي بيكسره أكتر،
اللي بيعرفك زعلك من صوتك، مش اللي يستهون بوجعك.
الحب المؤذي بيخلّيك تهرب من نفسك،
أما الحب الشافي… بيخلّيك ترجع لها،
ترجع لطفولتك، وصدقك، وعفويتك،
وتصدق إنك تستحق تتحب، وتتسند، وتتطبطب.
الحب مش اختبار صعب، ولا تحدي دائم…
الحب الحقيقي دايماً راحة وسلام.