|
 |
 |
 |
|
رقم المشاركة : ( 1 )
30 - 07 - 2025, 10:22 PM
|
|||||||||||
|
|||||||||||
 يا رب، أنا مش بس شايل هم… ده أنا أوقات بصحى من نومي وأنا مرهق من اللي لسه مجاش حاسس بثقل الأيام اللي جاية، والتفاصيل اللي مش عارف آخد فيها خطوة، والسكة اللي مش باينة نهايتها، وكل سؤال ملوش إجابة، وكل طريق مش عارف إذا كان صح ولا لأ. أنا مش بطلب حياة من غير تعب، ولا واقع من غير تحديات، أنا بس بطلب حضورك… بطلب قلبك يسبقني قبل دماغي، وسلامك يغطّي على خوفي. سهّل يا رب كل اللي صعب عليا، سهّل حتى اللي شايفه سهل لكن مش قادر أعمله سهّل الكلام اللي مش قادر أقوله، والقرار اللي محتاج آخده والحلم اللي بخاف أتمناه أنا عارف إنك ما بتدينيش حاجة إلا وقدّها بس أنا مش قدّها لوحدي أنا محتاجك… محتاج قوتك تطبطب على قلبي، ومراحمك تسبق كل خطوة لسه هاخدها أنا عايزك تكون في التفاصيل، في التوقيت، في القرار، في الحلم، في الخطوة عايز أبص لقدامي وأقول “ربنا كان هنا، وهنا، وهنا كمان” وأعرف إنك سهلت كل حاجة… حتى اللي كانت صعبة عليّ. 
|
|
| قد تكون مهتم بالمواضيع التالية ايضاً |
| الموضوع |
| طب يعني يارب انا نفسي تطبطب علي قلبي |
| محتاج حضنك و تطبطب علي قلبي يسوع |
| لما تطبطب علي حد وأنت محتاج اللي يطبطب عليك |
| يارب محتاج ايدك الحنينة تطبطب على |
| أحتاج الى قوتك فلا أسقط غالباً |
العرض الشجري