دور على اللى مناسِبك مش على الشائع

[walaa farouk]

فكرة إن “اللي نفع مع غيري هينفع معايا”
هي واحدة من أكبر الفخاخ اللي ممكن نقع فيها.
في ناس نجحت بالشغل ليل نهار،
وناس تانية نجحت لما ارتاحت وسمعت صوت روحها.
في ناس لقت السعادة في الزواج، وناس تانية في العزلة والحرية.
في ناس لقت السلام في الصمت، وغيرهم لقاه في الضجيج.
الحياة مش قوالب جاهزة، ولا في وصفة سحرية بتمشي على الكل.
إنت ليك روحك، ليك احتياجاتك، ليك صوت داخلي بيوجهك لطريق مختلف.
والمقارنة هنا بتسرقك من ذاتك، وتسرق منك نعمة إنك تكون على طبيعتك.
مش كل اللي نفع مع حد تاني… هينفعك.
بس دا مش ضعف، دي بصمتك الفريدة.
دور على اللى مناسِبك… مش على الشائع.