انت شايف اللي جوه القلوب

[walaa farouk]

ونجّنا يا رب من كل رغبة مُلحّة جوانا مش جاية من مشيئتك،
ومن كل لهفة ممكن تودينا لطريق بعيد عن قصدك لينا.
احمينا من اختياراتنا اللي بنتمسك بيها أكتر من تمسكنا بيك،
ومن الأبواب اللي بنخبط عليها وإنت قافلها بحكمة إحنا مش شايفينها.
قولّه: “يا رب، لو اللي فقلبي مش ليّا، شيله من قلبي بلُطف،
ومتسيبنيش أمشي ورا حاجة هتوجعني بعدين،
ولا تحققلي رغبة على حساب راحتي وسلامي.”
انت شايف اللي جوه القلوب،
وساعات القلب يلحّ على حاجات مش من عندك،
بس انت الحامي والراعي،
فخد إيدينا ووجّه خطواتنا دايمًا لمشيئتك،
حتى لو ماكناش فاهمين دلوقتي.