اللي شاف إيد الله في مواقف فاتت صعب يخاف من اللي جاي

[walaa farouk]

في حاجات حصلت في حياتنا مكنّاش فاهمينها وقتها..
كنا بنسأل: ليه يا رب؟ وليه دلوقتي؟
بس بعد شوية، فهمنا إن كل حاجة كانت محسوبة،
وكل خطوة كانت بترتب لحاجة أعظم.
مرات كتير بنفتكر إن الحكاية انتهت،
لكن بيطلع ربنا كان بيجهز مشهد جديد مليان نور.
اللي شاف إيد الله في مواقف فاتت،
صعب يخاف من اللي جاي.
لأنه عارف كويس إن اللي رتب قبل كده،
هيكمّل، وهيدبّر، وهيعدّي.
عشان كده.. حتى وسط العاصفة،
فيه سلام جوه القلب
مش جاي من الدنيا،
لكن جاي من الثقة في إله عارف بيعمل إيه.