أحسن حاجة في الدنيا إنه شايف قلبك

[walaa farouk]

حوار_مع_الله
أحسن حاجة في الدنيا إنه شايف قلبك 🥰
- تقوله يا رب طب أنا ماكنتش قاصد اعمل كده..أنا آسف يا رب 🙏🏻
= يقولك مفيش مشكلة يا حبيبي أنا شايف قلبك
وعارف إن مكانش قصدك 😍
- طب أنا وقعت الوقعة دي وصدقني بحاول أقوم وبعافر 🙏🏻
= أنا عارف وشايف إنك بتعافر من قلبك
عشان تكون معايا وبحب كل معافرة وتعب بتتعبه عشاني 😍
- طب يا رب أنا مش مستحمل ويأست من الدنيا
ومن كل حاجة فيها وتعبت 🥺
= أنا جنبك يا حبيبي شايف قلبك وقد إيه استحملت وجع وتعب وقهرة..وماتقلقش أنا هاطيبه بطريقتي 😍
- طب يا رب أنا اتظلمت كتير أوي وخلاص مش قادر اتحمل 🥹
= اتطمن يا حبيبي أنا شايف قلبك
وشايف أد ايه اتظلمت وحقك محفوظ عندي 😍
- طب يا رب أنا حاسس إني مرفوض ومحدش بيحبني ولا قابلني 🥹
= ماتقلقش يا حبيبي الاحساس ده أنا جربته
وشايف قلبك بيتعصر إزاي من الألم
بس أنا جنبك بحبك وقابلك زي ما أنت 😍
- طب يا رب انا بحبك 🥰
= ما أنا عارف وشايف قلبك وأنا كمان بحبك اوي 😍

كل مشاعر بنمر بيها ربنا حاسسها وبيعرف يتعامل معاها كويس اوي
..ربنا حاسس بوجعك .. بألمك..بإحساسك بالرفض.
.بكسرتك..بكرهك للخطية 👌🏻

ربنا حاسس حبك لإنه شايف قلبك وهيديك حسب قلبك ♥️

"لأَنَّ الإِنْسَانَ يَنْظُرُ إِلَى الْعَيْنَيْنِ، وَأَمَّا الرَّبُّ فَإِنَّهُ يَنْظُرُ إِلَى الْقَلْبِ»."
(1 صم 16: 7). 🥰