|
 |
 |
 |
|
رقم المشاركة : ( 1 )
اليوم, 09:35 AM
|
|||||||||||
|
|||||||||||
 خليك_خادم_واعى "إياك والإدانة!" الإدانة من الثعالب الصغيرة..اللى تدخل حياتك بهدوء وبأشكال متخفية.. تهدّ علاقتك بربنا من غير ما تحس.. وأكتر حاجة مؤذية..إنك تدين مخدوم واقع في ضعف أو سقوط.. افتكر دايمًا: إحنا كلنا بشر وكلنا معرّضين للسقوط مهما كانت خدمتنا.. كونك خادم مش معناه إنك أعلى من حد.. لكن دة معناه إنك أكتر واحد محتاج نعمة ربنا علشان تفضل ثابت.. الإدانة عمرها ما هتبني حد..بالعكس دى بتكسر المخدوم وبتشوّه نقاوة قلبك كخادم.. طب إيه الحل لو المخدوم في ضعف؟ حلّ مشكلته في هدوء: ارفع كل حاجة في صلاتك لربنا.. بدل ما تقضي وقتك في الكلام عنها مع المخدوم أو مع حد تاني.. افتكر ضعفك: خليك دايمًا فاكر إنك زيك زيه.. وكرر جواك زي يهوذا: "هي أبر مني.".. دي كلمة تحميك من الكبرياء والإدانة.. قدم حب مش لوم: المخدوم اللي تحت ضعف محتاج دعم أكتر من اللوم.. كلماتك البسيطة ممكن تبقى نقطة تحول في حياته.. المعادلة الذهبية: حب المخدوم زي ما هو.. صليله بصدق..وسيب الروح القدس يشتغل جواه.. دورك إنك تكون المراية اللى بتعكس محبة الله.. مش العدسة اللى بتكشف أخطاءه.. 
|
 |
|
العرض العادي
