|
 |
 |
 |
|
رقم المشاركة : ( 1 )
28 - 01 - 2025, 06:23 AM
|
|||||||||||
|
|||||||||||
 انا مش حابب احبطك بس اسمحلي اقولك ان مش شرط لما تتعب وتسهر وتعمل كل اللي عليك تلاقي نتيجه ومقابل .. او تلاقي الخير والرزق وارد جدا تتعب ومتلاقيش .. - بس استني .. كلامي لسه مخلصش دايما كل لما احس باليأس والاحباط واني بنحت في الصخر بدون مقابل افتكر سمعان وهو راجع مكسور ومحبط وبيلم شباكه بعد رحلة صيد متعبه رحلة اتحمل فيهم سهر الليل وبرده علشان يصطاد سمك ، لكنه فشل .. رجع ايد ورا وايد قدام شاف يسوع على الشط بيوعظ لمجموعه من الناس وفجاة يسوع ركب معاه المركبه ، وقاله تلات كلمات " ادخل الى العمق " بس كده ؟؟ لا ، راح كملها بتلات كلمات كمان " والقي شباكك للصيد " سمعان هنا زيه زي اي حد فينا ، .. حب يجادل ويقول رأيه قاله يامعلم .. لقد تعبنا الليل كله يعني ماتحاولش مفيش فايده احنا لسه جايين من العمق اللي بتقول عليه ومالقناش حاجه نصطادها ولكن كمل كلامه وقال " وعلى كلمتك القي الشبكه تعرفوا ايه حصل بعدها ؟ الكتاب بيقول في انجيل لوقا اصحاح 5 وَلَمَّا فَعَلُوا ذلِكَ أَمْسَكُوا سَمَكًا كَثِيرًا جِدًّا، فَصَارَتْ شَبَكَتُهُمْ تَتَخَرَّقُ. فَأَشَارُوا إِلَى شُرَكَائِهِمِ الَّذِينَ فِي السَّفِينَةِ الأُخْرَى أَنْ يَأْتُوا وَيُسَاعِدُوهُمْ. فَأَتَوْا وَمَلأُوا السَّفِينَتَيْنِ حَتَّى أَخَذَتَا فِي الْغَرَقِ يعني مش بس اصطادوا اللي يكفيهم ؟ لاااااا ده من كتر الخير الكتاب بيقول كادت السفينه ان تغرق وكادت الشباك ان تخترق اتعب واشقى وعافر اسهر الليل كله وخلي شباكك مفروده متسمعش للمحبطين اللي حواليك ولا تبص لرزق غيرك طول ما يسوع في مركبك ، جمد قلبك وادخل الى العمق لحد ماتيجي اللحظة اللي تكاد شباكك ان تخترق ❤ 
|
 |
|
العرض العادي
