مستحيل تركزفى بؤرة الشمس ولكن

[walaa farouk]

بالرغم انه مستحيل تقدر تركز عنيك في بؤرة نور الشمس
لكن الكتاب بيوصف الرب يسوع على جبل التجلي انه وجهه اضاء كالشمس.
بيحصل امتى اننا نعرف نبص في نور شمس المسيح حسب رغبته هو شخصيا ؟"
نَظَرُوا إِلَيْهِ وَاسْتَنَارُوا، وَوُجُوهُهُمْ لَمْ تَخْجَلْ." (مز 34: 5).
اللي بيمنعنا من اننا نشوف المسيح بالجمال ده هو الازاز المغبش
اللي بنشوف منه السماء، الازاز ده هو مدى وعينا بالتشوهات اللي في شخصياتنا
اللي مخليانا شايفين ربنا علينا مش معانا و ضدنا مش في صفنا.
شايفين ربنا من بين بقع لزقت على شخصياتنا فخليتنا شايفين حاجه صغيره من نور ربنا،
متبقعين بافكار عن نفسنا مخليانا حاسين بالعجز المستمر
متبقعين بافكار عن اللي حوالينا مخليانا مش عارفين نحب ولا نتحب منهم بشكل صحيح
. بنضحك في وش بعض بس جوانا بقع بتقول ان الحب ده وهم للساذجين
اللي مش فاهمين الدنيا
عايز تخدم المسيح بحب و زي ما هو عايزك تخدمة؟
اخدمة و انت شايفه، اخدمة وانت مليان بنوره فتكون و اللي بتخدم وياهم ".
.. جَمِيعًا نَاظِرِينَ مَجْدَ الرَّبِّ بِوَجْهٍ مَكْشُوفٍ، كَمَا في مِرْآةٍ،
نَتَغَيَّرُ إِلَى تِلْكَ الصُّورَةِ عَيْنِهَا، مِنْ مَجْدٍ إِلَى مَجْدٍ، كَمَا مِنَ الرَّبِّ الرُّوحِ." (2 كو 3: 18).
فيه حاجه في شخصيتك محتاجه تتغير، في تحدي في طريقه تفكيرك و اسلوبك في الحياه
محتاج تتعامل معاه عشان تتقابل مع المسيح وجها لوجه
و تكون زي اليشع الخادم اللي كان يقول حَيٌّ هُوَ الرَّبُّ الَّذِي أَنَا وَاقِفٌ أَمَامَهُ 2 مل 3: 14
اتعلم تنظر لبؤرة نور الشمس عشان شخصيتك تستنير