|
 |
 |
 |
|
رقم المشاركة : ( 1 )
25 - 12 - 2024, 08:47 PM
|
|||||||||||
|
|||||||||||
 مابقاش فيا طاقة مافيش طاقه اني اقدم حب لحد مابيحبنيش مافيش طاقه اني اشتغل الشغل بحماسي القديم مافيش طاقه اني اعافر في تبرير ظلم اتظلمت فيه مافيش طاقه اني اشرح محتاج ايه مع حد بشرحله كل مره تعبي مافيش طاقه حتي اني اصلي واقول واصرخ مافيش طاقه حتي اني انزل دموعي (مافيش طاقه) كلمه جوانا وبنحسها كتير بنوصل لمرحله اننا نقبل الكلام الجارح او الظلم او ان حد يقول كلام وخلاص مش فضيله صمت لكن (مافيش طاقه) عاوز اقولك مش عيب تقول معنديش طاقه من حقنا طاقتنا تخلص ومانقدرش نكمل مانقدرش حتي نقف نصلي عارف مش بتشوف ناس في تسبحه ولا قداس ولا اجتماع فرحانين وانت تقول لنفسك أنا ماليش نفس احضر مش علشان أنا مش بحب ربنا ولا حاجه لكن أنا ( ماعنديش طاقه) وتحس انك عاوز تبقي لوحدك لا تسمع عظات ولا ترانيم ولا تسبحه عاوز تفصل ربنا بقي حاسس بده ومش زعلان منك وعارف انها فتره لازم تمر بيها .. في الوقت ده اسكت روح وانت مسلوب الاراده لربنا ماتعملش أمور كتير غير انك تسكت ترفع عينك وتسكت لو حط الله جواك كلام اتكلم ماحطش كلام عادي كمل عادي وقت وهاتعديه هو قادر يجدد طاقتك بطريقته مش شرط بوعظه ولا اجتماع هو ممكن يجدد طاقتك بحاجات مش في خيالك ماتخافش هو هايجدد طاقتك بطريقته بس خلي جنبه وبس 
|
 |
|
| قد تكون مهتم بالمواضيع التالية ايضاً |
| الموضوع |
| مابقاش لينا غير الصلاه بلجاجه |
| مابقاش في حاجه تزعل |
| هو مابقاش في حد سهل |
| محتاج لـ طاقة عُظمي منك طاقة بيها أوصلك |
| أفضل طاقة هي طاقة الغفران |
العرض العادي
