|
 |
 |
 |
ربنا باعتلك رسالة ليك أنت
الرسالة دى تحطها فى قلبك طول سنة 2025
يالا اختار رسالتك من الهدايا الموجودة وشوف ربنا هايقولك ايه
|
|||||||
 |
|
|
أدوات الموضوع | انواع عرض الموضوع |
|
رقم المشاركة : ( 1 )
08 - 12 - 2024, 11:08 AM
|
|||||||||||
|
|||||||||||
 رساله مهمه حابب أوصلها للناس.. أعرفكم بنفسى الأول ، أنا أشرف ٤٧ سنه ، من بلد صغيره فى لاقصر اسمها أرمنت ، متجوز وعندى ولد ١٠ سنين.. الأسبوع اللى فات وانا فى الشغل الساعه ٢ بالليل ، اتصلوا بيا من البيت بيقولولى " الحق إبنك وقع من الدور الرابع وبين الحياه والموت " انا يوميها حرفياً غبت عن الوعى ، كنت بجرى وانا مش حاسس بنفسى ، روحت المستشفى وانا بستنجد بأى حد يطمنى على ولدى ، كنت حاسس انى بترجى التمرجى انه يقولى ماتخافش ابنك كويس وخده وروح  ..لاقيت مراتى بتصوت وبتندب، انا ساعتها بقيت ابكى زى العيل الصغير ماكنتش حاسس بنفسى ولا باللى بعمله .. جريت على الدكتور عشان اساله الواد حصله ايه ، لاقيته بيقولى حاجات كتيره قوى مش فاهمها بس كل اللى فهمته منه ان الواد عاوز معجزه  ..قولتله طب اشوفه حتى لو من بعيد، اسمع صوت نفسه اطمن عليه انه لسه معايا ، دانا شاحته شحاته من ربنا ، لكن للأسف ماكنش ينفع اشوفه ..  بعد شويه لاقيت التمرجى طلع وعطانى ورقه وقالى روح هات الحاجات دى من الصيدليه لولدك .. خدت الورقه وانا تايه بجرى مش عارف حتى باب المستشفى منين عشان اخرج كنت حاسس انى فى غيبوبه ..بقيت ماشى فى الشارع وانا ببكى وبكلم ربنا بصوت عالى " يهون عليك يارب تكسر قلبى عليه وانا حتى لسه مافرحتش به ، دانا كنت بشحته منك ، ده جه بعد صبر عشر سنين ، طب بلاش انا ، انا ماستهلش ، يهون عليك كسرة قلب امه ، ده امه تتجنن لو الواد حصله حاجه ، يهون عليك البيت يخرب " فى عز وانا ماشى لاقيت واحد جرى عليا ومسكنى من دراعى ووقفنى وقالى .. - انت إزاى ماوقعتش !!  بصيتله وانا مستغرب وقولتله اقع فين ؟؟ قالى يابيه انت مشيت على البلاعه المفتوحه وماوقعتش ، مشيت على الهوا وكأن حد سند رجلك ، انا شايفك بعينى وفضلت أنادى عليك قبل ماتخطى عليها عشان ألحقك وانت ماكنتش سامعنى ، ومشيت عليها كأنها مقفوله .. رجعت معاه عشان اشوف البلاعه المفتوحه ، لاقيتها فعلاً مفتوحه وكبيره مش صغيره .. قولتله يعنى انا مشيت هنا !! الراجل كان هايتجنن ، كان بيحلف مية يمين انى مشيت عليها وماوقعتش ومش قادر يصدف إزاى ده حصل .. لكن قالى كلمه مستحيل أقدر أنساها .. " شكلك فى ضيقه كبيره ، بس اللى سند رجلك دلوقتى قادر يسندك ويخرج من ضيقتك " ساعتها بقى عندى ثقه غريبه جداً وسلام داخلى عجيب ان الواد هايقوم بالسلامه ، حتى الكل استغرب لما رجعت " وبالفعل عدى اسبوع على الحادثه والواد قام بالسلامه وزى الفل  .."لاَ يَدَعُ رِجْلَكَ تَزِلُّ. لاَ يَنْعَسُ حَافِظُكَ." (مز 121: 3). 
|
|
|
| قد تكون مهتم بالمواضيع التالية ايضاً |
| الموضوع |
| كل وقت ضغط.. مرض.. وجع.. ضيقه |
| كل ضيقه لها إله |
| كل ضيقه وكل مشاكل |
| وراء كل ضيقه |
| كل من هو فى ضيقه |
العرض العادي
