لما انت تخذلنى .. البشر يعملوا ايه ؟

[فرونكا]

لما انت تخذلنى .. البشر يعملوا ايه ؟
*************************

فى مره كنت مخنوقه وتعبانه
واعده فى اوضتى محتاره
اصلى طلبت من ربنا طلبه
وربنا رفضه
حسيت انه خذلنى
عدت ابكى وشيلت منه

مسكت صورته وكلمته
لا مش كلمته ده انا خنقته
قولتله ليه كده
هو انا مش بنتك
هو انا مش صعبانه عليك
انا جيالك ضعيفه ومنكسره فلا تتركنى
انت سايبنى ؟ ولا مش سامعنى ؟
اوعى تكون مش عاوز ترد عليا

طب انت رفضت ليه
انت عشان ابويا من حقك تختارلى
لكن عشان انا ابنك من حقى اسألك ليه ؟

مش هترد عليا
انا تعبت وزهقت
رد بقى انا تعبت

وبعد عتاب قاسى
وخناقه كبيره معاه

تعبت من كتر العياط
ونمت على روحى
وانا فى مكانى

فجأه لقيت ماما بتصحينى
اتخضيت وقمت مخضوضه
وقولت فى بالى اهى ناقصه

ماما صحتنى وخرجت من الاوضه مكنتش عارفه حصل ايه
قولتله خلاص خذلتنى
طب ازعل منك انت يا ابويا
ولا ازعل من الللى خذلنى من اللى حواليا
انت خذلتنى
زعلانه منك
وهفضل زعلانه لحد ما تصالحنى
كمان فى حاجه وحشه بره
ما هى ناقصه اصلك
فى ايه انا قلقانه
يارب استر

وخرجت اغسل وشى
لقيت ماما فى وشى
بتقولى خبر حلو

اتارى ربنا مستحملش يشوفنى زعلانه
هو يدوبك ظلام الليل وكان مجهزلى هديه عظيمه
احسن كمان من اللى اتمنتها
جريت على صورته حضنتها
وقولتله انا اسفه
انا جرحتك بكلام سامحنى
انا بحبك اصل بنتك وبدلع عليك

[Hany Meshel]

مشاركة اكتر من رائعة
يا فرونكا

[كاترينا]

الله كلمات رااااائعة يا قمر ومؤثرة جدا
ربنا يباركك

[Mary Naeem]

شكرا على المشاركة
ربنا يفرح قلبك

[نونا بنت البابا]

ميرسى على المشاركة الجميلة
ربنا يعوضك

[فرونكا]

ميرسى كتير لمروكم الغالى