يارب ادينا روح الإلتزام والانضباط

[walaa farouk]

في كل يوم الساعة ٧ بالدقيقة صباحاً .
. أسمع تحية عسكرية متقنة جدا مفيهاش غلطة .
. حقيقي باستمتع وأنا باسمعها وبتخيل كده زي ما يكون
في شخص مهم واقف بيحيوه أو واقفين بيحيوا العلم
والتحية دي موجهة ليه .. وتخيلت حياة الانضباط دي
في علاقتنا بربنا والتحية اليومية والتعظيم لإلهنا
وسألت نفسي وأتمنيت أني أكون منضبطة زي العسكري
اللي في الجيش مثلاً … بعلاقتي بربنا .
. أصمم مثلا على مواعيد قراية الكتاب المقدس وأثبتها
.. متبقاش متغيرة على حسب الظروف أو الصحيان بدري أو متأخر
.. أقرر أني ألتزم في تعظيم إلهي يومياً بدون كسل أو اهمال
أو تراخي أكون جادة قدامة ومش بس كدا أكون أمينة معاة
حياتي تكون عبارة عن تسليم واستمتاع بية في كل لحظة في يومي ..
في ترنيمة بتقول في حربي أنا جندي .
. حقيقي كلنا جنود وداخلين حروب مختلفة منها المشغوليات
والمسؤوليات ومنها البيت ومنها العيال ومنها الجامعة
والمذاكرة ومنها حتى الخدمة ومنها كمان البحث عن شريك الحياة
أو شريكة الحياة ومنها الجري ورا المادة
واشباع الاحتياجات ومنها السفر والفسح والصحاب
والخروجات وهكذا … مبقولش انها حاجات مينفعش
منعملهاش بس لو اتعملت في ظل قعدتنا مع يسوع
هتكون مختلفة
ولو اتعملت في ظل إلتزامنا قدامة وقرارنا اننا نعيش معاه حقيقي
هيكون ليها شكل وأبعاد مختلفة وهتكون كمان بتتعاش
بطريقة مختلفة … يارب ادينا روح الإلتزام والانضباط
والأمانة قصادك علشان نفرح قلبك واحنا نكون فرحانين بيك ..