|
 |
 |
 |
|
رقم المشاركة : ( 1 )
31 - 07 - 2024, 12:00 PM
|
|||||||||||
|
|||||||||||
 أمبارح كنت مخلص شغل وتعبان جدا ، ماكنتش قادر أصلا أتخانق بس الموقف حتم .. الموضوع وما فيه ، انى كنت واقف فى الشارع الساعه اربعه الفجر أكتر من ساعه مستنى ميكروباص مالقتش خالص ... وانا أصلا قاعد بنام على روحى ، أخر ما غلبت قررت اني أركب تاكسى ، بس كنت مضايق قوى انى قعدت ده كله وفى الاخر هاركب تاكسى ، يارتنى كنت ركبت تاكسى من الاول وروحت كان زمانى نايم ... بعد ما وصلت البيت لاقيت بحاسب الراجل واديته ميه جنيه ... لاقيته مدينى باقى خمسين .. بقوله انا مديك ميه ، قالى لا انتى مدينى خمسين .. قولت ااااه هى ليله سودا اصلا ، وقمت مزعق فيه ، انت جاى تنصب عليا ، بقولك مديلك ميه ، وصوت بقى عالى والجيران بصوا ، وفيه ايه يا كيرلس ، قولتلهم البيه عاوز ينصب عليا ويغالطنى فى خمسين جنيه .. والراجل يحلف مية يمين انى مديله خمسين .. قمت شاتمه وقايله انت كمان بتحلف كدب ، طب ولله منا سايبك غير فى القسم ، اطلع بينا يلا ..... كل ده وانا والراجل عمّالين نشتم فى بعض ، وانت ازاى تقولي كدا ، دا انا اشتريك واشترى بلدك ، وهو كل مايشتم انا اتمسك بموقفى اكتر ... طلعنا على القسم وهناك بشرح الموقف للظابط بقوله ياباشا انا كان معايه ميه وخمسين جنيه ، اديت للراجل ميه والخمسين فى جيبى ، اهى ... قومت مطلع الخمسين من جيبى وانا متوتر جدااا .. لاقيت الظابط فجأه ضحك بصوت عالى ، قالى ايه ده .. ركزت شويه ولاقيت مفجأه مستحيل كنت اتوقعها .... مية جنيه ... ساعتها انا ماكنتش عارف أعمل ايه غير ان وشى قلب ألوان ، وقلبى بيدق جامد ، وحاسس بمصيبه جياله ... المهم يا جماعه ياريت ماحدش يتسرع فى قراراته وكلامه ، ياريت نفكر كويس قوووووووي قبل ما نقول أى كلمه ، ونسكت ونسمع كويس قبل ما ننطق بحرف ... عشان الليله اللى قضيتها فى القسم كفيله انها تخلينى افقد النطق خالص ، المخبرين هناك قاموا معايا بالواجب وزياده 😄 .. بَطِيءُ ٱلْغَضَبِ كَثِيرُ ٱلْفَهْمِ، وَقَصِيرُ ٱلرُّوحِ مُعَلِّي ٱلْحَمَقِ. أَمْثَالٌ ١٤:٢٩ 
|
 |
|
| قد تكون مهتم بالمواضيع التالية ايضاً |
| الموضوع |
| ربنا حاسس بيك حاسس بالوجع |
| مهما كنت حاسس بعجز، حاسس بيأس.. |
| لو حاسس بعجز لو حاسس بضعف |
| إعمل بمسحته |
| ليه حاسس أني وحيد...ليه حاسس ان محدش مهتم بيا..واني مش فارق مع حد ...وكأن الناس نسيـــــــــــــــان |
العرض العادي
