جرب تأكل الكلمة

[walaa farouk]

كلنا بنحب ندوق حاجات جديدة. بنحب نروح مطاعم مختلفة
، نجرب أكلات غريبة، ندوق ونحكم.
بس فيه فرق بين إنك تدوق حاجة وبين إنك تاكلها!
التذوق حاجة سريعة، لحظية. بنجرب طعم
، نحس بيه لثواني وخلاص. لكن الأكل حاجة تانية خالص.
الأكل هو إنك تتغذى على الحاجة، تستفيد منها
، تاخد منها طاقة وحيوية. الأكل بيديك قوة وبيغذي جسمك.
وفي حياتنا الروحية، الكتاب المقدس لازم يكون زي الأكل
.. مش مجرد حاجة بندوقها. مش كفاية نسمع آية هنا،
ونقرا آية هناك، ولا ينفع نكتفي بلحظات بنحس فيها بربنا
.. لازم نغوص في الكلمة، نتغذى عليها، لازم تبقى جزء مننا.
زي ما إرميا قال: "وُجِدَ كَلاَمُكَ فَأَكَلْتُهُ، فَكَانَ كَلاَمُكَ لِي لِلْفَرَحِ وَلِبَهْجَةِ قَلْبِي، لأَنِّي دُعِيتُ بِاسْمِكَ يَا رَبُّ إِلهَ الْجُنُودِ." (إر 15: 16).
الكتاب المقدس مش مجرد شوية حروف على ورق،
كلمة ربنا حياة. كلمته هي اللي بتدي الفرح والبهجة للقلب.
لما ناكل الكلمة ونتغذى عليها، هانلاقي الإجابات اللي بندور عليها،
هنلاقي القوة اللي محتاجينها، هانلاقي الفرح الحقيقي.
بطل تكتفي بنك بتفوق وبس ..
جرب تأكل الكلمة، جرب وانت هاتشوف الفرق في حياتك.