|
 |
 |
 |
|
رقم المشاركة : ( 1 )
15 - 07 - 2024, 06:36 PM
|
|||||||||||
|
|||||||||||
 في كتير من الأوقات مستحيل نصدق أن أبونا أبراهيم أبو الأنبياء وأبو المؤمنين اللي هو رمز لكتير من المتدينين وعنوان للثقة واليقين والتصديق في مواعيد الله {أنه كدب!} فللوهلة الأولى الموضوع صادم واللي بيزودوا صعوبة أنه كررها مرتين بنفس الطريقة وعن عمد! يعني مش كدب عابر. دي كأنها صفة! والأعجب والأغرب أنه كدب لأنه خاف على نفسه وعلى عيلته أن يحصلهم مكروه. هو مش ده ينفي إيمانه اللي علطول بنتغنى بيه؟! في قلب أحداث الكنيسة الأولى في بداية الوقت الرائع للكنيسة وهي بتنمو بقوة وبهيبة ولسه أصلًا فاكرين موت المسيح عشانهم.. . معلش آسف خاني التعبير 🫣 فاكرين أيه.. . دول عاشوه ولمسوه واتفاعلوا معاه ، ومش بس كده لكن كمان شافوه وهو بيصعد وسمعوه بيقول جايلهم تاني. متخيلين كم الاستعداد اللي المفروض يكونوا فيه!؟! العجيب والغريب أن رغم كل ده حد منهم يكدب ، لأ وليه عشان خايف على مستقبله أو يمكن عنده شوية خوف على بكرة. كتير بنظن أن نص الحق وجزء من الحقيقة ينفع ويرضي ربنا، ويمكن يمشي وكأنه صدق.. فإبراهيم فعلًا أخو سارة لكن ده مش الحق كامل لأنه أخوها من ساعة ما أتولدت لكنه جوزها من بعد ما أتجوزها!! حنانيا وسفيرة، أه فعلًا باعوا الحقل وشاركوا الاحتياجات في الكنيسة، لكن الحق أنهم شاركوا بجزء من التمن اللي باعوا بيه مش كل التمن! إحنا كمان بنعمل شبه كده ... إحنا طبعًا لا يمكن نكذب حاشا لله لكننا ممكن مانقلش كل الحق! ممكن مانقولش كل الحقيقة! ومش هنسمع كل الحكاية! هنقول بس نص اللي نعرفه! هنسكت في الحتة اللي مفروض نتكلم فيها! مش هنقول كل اللي عندنا! مش هنعيش حياة واحدة لكن حياتين واحدة الناس تشوفها وواحدة إحنا بس اللي نعرفها! هنضيف إضافات مش متأكدين منها ومش عارفينها! كل ده أسمه كدب! والحقيقة كلنا معذورين لأنه مغروس في طبيعتنا البشرية لكن العذر مش ذريعة للاستمرار يعني إيه!؟ العذر لأننا مولدين لأب كداب وأبو كل كداب وده بيخلينا نميل طبيعي للكدب ونميل لأبونا إللي اتولدنا ليه (أبليس) فالطبيعي اننا نعمل زيه! لكن لو أنا بادعي أن طبيعتي أتغيرت وبقيت ابن لأب جديد اللي هو أبو الحق واللي هو معندوش غير الحقيقة والصدق وبقول أني مِلك لربنا مش المفروض أكمل في الكدب! لأن بتشكل بالطبيعة الجديدة دي! عادي تكون زي أبوك؛ فمين أبوك؟ الكداب أبوه ابليس الصادق أبوه ربنا لما ماتقلش الحق... لما تقول نص الحق بس. .. لما تضيف من عندك على الحقيقة.. . لما تكون عارف حاجة وماتقلهاش! كل ده أسمه كدب! مرة كمان مين أبوك! 
|
العرض العادي
