القصة كلها في كلمة واحدة وهي في انك عوّدتهم

[Ramez5]

القصة كلها في كلمة واحدة وهي في انك ( عوّدتهم )

عوّدتهم انك مهما يحصل مابتزعلش منهم
فا مابقوش بيراعو احساسك و شعورك و كأنك صنم .

عوّدتهم انك بتسكت و بتعدي ليهم طول الوقت ، فا بقو بيتمادو في كلامهم و افعالهم اللي بتضايقك و ييجو عليك كتر .

عوّدتهم انك بتريحهم حتي لو علي حساب نفسك
فا مابقاش فارق معاهم اصلاً راحتك .

عوّدتهم انك في اي حاجه بتوافقهم وبتطاوعهم
فا بقي بالنسبالهم خلاص حق مكتسب .

عوّدتهم انك بترضي بأي حاجة
فا استسهلو و مابقوش بيتعبو نفسهم في اي حاجه حتي لو هاتسعدك .

علشان كده اوقات كتير الغلط الأكبر مابيكونش علي اللي بياخد كتير و مش مقدر قد ما هو للأسف علي اللي قصر في حق نفسه و فررط فيه

أعظم حاجة ممكن يحققها الانسان في حق نفسه هي أنه يكمل ، و يكمل يعني يكمل بكل ما تحمله الكلمة من معني . مش يكمل عشان الايام بتجره أو يكمل و هو مكسور او مشلول و الأسم عايش لظروف الحياة تحدف فيه.

‏إنما مكمل زي القطر ، قادر يضحك و يتواصل ، قادر يحب و يعطف ، قادر يتعلم و يراجع نفسه بهدوء من غير جلد ذات و دوامات ندم ، قادر يدي للي حواليه أمل ، قادر يقاتل عشان حلمه حتي و لو بعيد و مفيش حد شايفه غيره .. و الأهم انه قادر يكمل و هو بيحب نفسه و عارف قميتها و واثق فيها .

[Mary Naeem]

موضوع مميز جدا
ربنا يبارك اعمال ايديك