|
 |
 |
 |
|
رقم المشاركة : ( 1 )
26 - 06 - 2024, 07:10 AM
|
|||||||||||
|
|||||||||||
 خد من فلوس الغلابه وفك زنقتك بيها مانت غلبان بردو .. دا كلام مرات راجل ماسك خدمه لم فلوس التبرعات بسبب انه ابنه الوحيد تعبان ومحتاج يكشف عند دكتور شاطر ... الراجل ساعتها رد عليها رد جميل جدااا كل تجربه ربنا بيبعتهالنا بيكون وراها خير وبركه ودرس مهم لازم نتعلمه .. واكيد الدرس من تجربه تعب الولد مايعلمناش اننا نمد ايدينا على فلوس مش بتاعتنا .. قالتله ايوه بس انت مرتبك مش مكفى دانت ممعكش 500 جنيه نكشف بيهم للواد .. قالها احمدى ربنا اننا عندنا مرتب بيسترنا حتى لنص الشهر فلوس التبرعات دى لناس مش لاقين لقمة العيش فى اليوم .. قالتله يعنى هاتسيب ابنك تعبان ولا هاتنزل تشحت .. بص لها كدا بصة غلب وحزن واتنهد ومشى .. خد شنطه التبرعات ورايح يوزعها على المحتاجين .. وهو ماشى الشيطان فضل يعيد ويزيد فا كلام مراته ويزود قلقه على الولد , فضل سرحان جامد ومش عارف يعمل ايه الولد له اكتر من اسبوع تعبان .. حط ايديه على فلوس التبرعات فى الشنطه وبدأ يضعف .. فى اللحظه دى قال يارب اتصرف التجربه دى فوق استطاعتى ارحم ضعفى .. بعدها سمع التليفون بيرن .. - الو ايوه يا فلان فينك بتصل بيك من بدرى عاوزك ضرورى .. - معلش انا اسف ماسمعتش التليفون ... - مال صوتك شكلك تعبان .. - لا ابدا ابنى تعبان له اسبوع ومش عارف اعمل ايه .. - طيب تعلالى العياده حالا وهات الولد معاك عشان عاوزك فى حاجه مهمه وبالمره ابص على الولد .. الراجل فرح جدااااااااا وطار من الفرحه واول حاجه افتكرها قال شكرا يارب انك مابتنساش نفوس الضعفاء وبتنقذهم فى اخر لحظه ... جرى على البيت وخد الولد , مراته بتساله قالتله رايح فين ؟؟ قالها دكتور كبير قوى معرفه كلمنى ولما عرف قالى تعالى العياده يكشفله .. عدت الايام وخف الولد وفضل الدرس محفور فى دماغك الراجل ومراته مهما ربنا اتاخر لابد ان يستجيب 
|
 |
|
| قد تكون مهتم بالمواضيع التالية ايضاً |
| الموضوع |
| مش معنى ان ربنا اتاخر |
| مهما اتاخر عليك هيستجيب ♥️ |
| لابد أن يستجيب ويساند |
| مش معنى ربنا اتاخر ان طلبك مرفوض |
| مش معنىان ربنا اتاخر عليك |
العرض العادي
