العلاقات الناجحة بتتبني

[walaa farouk]

العِلاقات الناجحة السوية بتتبني مش بتتلاقى عالجاهز♥️
مين قالك إن العلاقات الناجحة مفهاش خناقات ؟!
فيها خناقات عادي، بس فيها تقدير وحب ومودة بيسندوا
وبيبقوا العلاقة، فيها إحترام وتقدير لزعل بعض ..

وفيها إختلافات في الطِباع ووجهات النظر
، وفيها شخصين عندهم عيوب،
وفيها شد وجذب ولوم وعتاب، وغيرة وعصبية
، لكن في النهاية في حنية بتكسب، في ود وحب
بيخلي العلاقة مستحيل تنتهي،

فاللي فهمك إن العلاقات السوية ما بيبقاش فيها مشاكل
ضحك عليك، المشاكل بتقوي العلاقات، بتوريلك قيمتك
وغلاوتك عند الطرف التاني، في مشكلة تهد علاقة
، ومشكلة تقوي وتبني وتزيد العلاقة حب وتفاهم وود،

واللي بيميّز العلاقة السوية عن غيرها
إن مَفيهاش إيذاء وإهانة ولا مُعايرة وقلة قيمة
، مفهاش طرف بيدي ضهرة للتاني
ويقرر يمشي وينهي كل حاجة في لحظة، مفهاش غدر،

العلاقة الناجحة فيها قوة وحب وقرار ثابت،
بإن لو لقينا الريح هتهد اللي بيننا أيدينا
هتفضل متبته ونعدي الريح مع بعض
؛ فيها أمان يخليك متخافش إن كل حاجة تنتهي وقت مشكلة،

اللي هو نختلف ونشد لكن في الأخر ملناش غير بعض♥️🫂.
العلاقات الناجحة بتتبني .✋🏻💜🦋