كل سنة وانت صورة الله في الابوة

[مورا مرمر]

انهارده عايزة اقول لكل اب في الدنيا كل سنة وانت طيب كل سنة وانت موجود في اسرتك ووسط اولادك كل سنة وانت قدوة وحضن دافي لكل اللى حواليك كل سنة وانت بردو قوى ومعافر وبتحاول تتعب لراحة اللى حواليك كل سنة وانت اكبر داعم لاولادك كل سنة وانت راعي الاسرة كل سنة وانت سبب ضحكة اللى حواليك ..كل سنة وانت نور الاسرة وكل مكان بتروحه .. كل سنة وانت صورة الله في الابوة بكل ما تحمله الابوة من معنى في المحبة والرعاية والاهتمام انت دورك كبير اوي لانك في عين ولادك صورة الله اللى بتتشكل جواهم فخلى بالك اوى من دورك دا وخليك دايما شبه الهك .. لان في الحقيقة مش كل الاباء كدا وفي اباء كانوا كتير مؤذيين فشكرا لكل اب قام بدور الاب ومكنش مؤذي وجارح.. انهارده العالم كله بيدور على اب راعى قدوة حكيم خليك كدا دايما وساعد اى حد مفتقد الابوة في حياته وكن اب روحي لكل حد تقابله واملأ كل الدنيا حب ودفي وامان وحياة.

وفي الختام احب اقول لربنا وابونا كلنا كل سنة وانت بابا المحب والطيب والحنين والرحوم والجميل والمبدع والعجيب دايما في كل اعمالك والسند والقوة والامان والحق والطريق والحياة والحكيم والمرشد والقدير والراعي الصالح اللى بذل نفسه لاجل اولاده وفي النهاية اعطاهم مستقبل مليان كله رجاء وحياة وفرح ..كل سنة وانت معانا دايما يا بابا السماوى

[Ramez5]

موضوع جميل جداً ومميز
ربنا يفرح قلبك

[walaa farouk]

موضوع رائع ياقمر
ربنا يفرح قلبك

[Mary Naeem]

موضوع مميز
ربنا يباركك