كلمات ترنيمة بأعمل قليل وعارف إن الكتير عليك

[ريمون أنيس]

بأعمل قليل وعارف
1 – (بأعمل قليل وعارف إن الكتير عليك
زي الفلاح اللي بيزرع لكن النما عليك) 2
(أنا مطمن أنا مطمن إن سهران ع الزرعاية
إنت تكبر إنت تأمن وصول الساير للغاية) 2
2 – (الشمس إن غابت وأنا ماشي
وضحكوا الناس عليَّ راح أكمل في الليل مشواري
ما هي شمسك طالة في) 2
(أنا مطمن أنا مطمن يا ناس الليل بآخره
وإذا كنت في إيد أب حنين كل الأزمات يمروا) 2
3 - (مش متفاجئ في الغربة بشيء
دا السيد قال وكلامه يتم
في العالم هايكون ليكم ضيق لكن أنا غلبت العالم) 2
(أنا مطمن أنا مطمن هو الحامي ورب العيلة
أنا رافع إيدي باصلي إليه لكن هو شايل الشيلة)