|
 |
 |
 |
|
رقم المشاركة : ( 1 )
27 - 04 - 2024, 09:05 AM
|
|||||||||||
|
|||||||||||
    الحقيقة قصة لعازر مهمة أوى بالنسبة لى .. لما بقراها مش بيبهرنى إن لعازر قام، ماهو مات تانى يعنى عادى وأكيد أخته إنهارت برضو.. لكن اللى حقيقى بيبهرنى لما المسيح قاللهم: "لعازر حبيبنا قد نام" .. عبارة بتعلن إن الموت مات! إختزل الموت المخيف جدًا فى مجرد نوم! كمان بعدها بشوية تلاقيه أول ما شاف القبر وقالوله :"تعالى شوف" إنه "بكى" . . مشاركة آلام الفراق من الإله بنفسه .. مواجدة حقيقية .. حب حقيقى . . حب بيتحرك و بيشارك .. جايز إنت تقول: "ماهو عارف إنه هيقوِّمه" لكن الحقيقة أنا ببصلها إنه داق تعب الفراق بكل مشاعره بصدق جبار وشاركنى ولو لمدة دقايق .. آه هو شاركنى وقت قليل بس شاركنى بكل مشاعره موت صديقه لدرجة إن الناس قالوا: "بصوا كان بيحبه أد إيه" .. ولأن مفيش حد فينا معندوش حد بيحبه "نام" فسبت لعازر فرصة لينا كلنا إننا نتعزى بمشاركة ربنا لينا ونتعزى إنه مجرد "نوم" .. آلام الفراق مش هتختفى لكن وسطها هيكون فيه رجاء .. 
|
 |
|
العرض العادي
