14 - 04 - 2024, 12:01 AM
|
|
|
|
..::| الإدارة العامة |::..
|
|
|
|
|
|
واحدة من أسوء المشاكل هو التسرع في الحكم
على الناس اللي حوالينا، بطبيعتنا كبشر
بنميل لقولبة الناس اللي مش شبهنا في التصرفات
والكلام والأولويات وحطهم تحت مسميات معينة
تحمل صفات سلبية احيانا لمجرد إنهم إتصرفوا بطريقة معينة
مش متوافقة معانا لأي سبب! الحقيقة
دا عكس خالص المحبة الحقيقية اللي في مغزاها
هي قبول حقيقي للشخص اللي قدامي
حتى لو مختلف عني، بل بالعكس قبوله
رغم إنه مختلف عني!
زي ما عمل السامري الصالح بالظبط
... ساعد اليهودي اللي هو عارف كويس
أنه مش بيحب يتعامل معاه عشان حاطه في خانة معينة
في دماغة وحاكم عليه من زمان إنه مش كويس
وحاطه في قالب معين! أشجعك تآخد وقتك تعرف الناس وتقرب منهم وتفهمهم كويس عشان تعرف تحبهم زي نفسك
زي ما عمل السامري الصالح..
|
