21 - 03 - 2024, 06:39 PM
|
|
|
|
..::| الإدارة العامة |::..
|
|
|
|
|
|
كلنا شيك من برة .. كلنا قدام الناس حلوين ..
بس هل لما بنقعد مع نفسنا
ونبص في مراياتنا بنشوف نفس الصورة اللي الناس بتشوفها؟
من أسباب الوقوع الكتير اننا بنحاول طول الوقت
نداري اللي جوة بحاجة مش حقيقة من برة ..
فأول ما نبقى لوحدنا .. ريحة الموت بتطلع .
. والصورة الحقيقية بتنكشف ..
فالإحباط يتمكن مننا ونحس ان مافيش أمل .
. ونغلط تاني .. ونفضل نلف الدايرة المقفولة هي هي.
علشان كدة .. مهم جداً اننا نعترف .. ونكشف ونفضح الشر ..
نُقر بالمرض علشان نعرف نتعالج.
جرب المرة دي تفضح الغلط قدام ربنا ..
وتعريه قبل ما هو اللي يعريك .
. وبدل ما الوقت بيضيع في تظبيط الشكل اللي برة ..
تعالى نجرب المرة دي نروح لربنا بالخراب اللي جوة
( اللي بيبان في المرايا ) ونقول له صلح ده .. جمل ده .
. غير ده .. وعيد تشكيله ..
علشان لما نبص في مرايتنا مانخجلش .
ونلاقي الصورة بتحلو .. وتتصلح ..
فنلاقي اللي يشجعنا نستمر .. لأنك علشان تكمل ..
لازم تكون حقيقي!
|
