روحله برضه هو حاسس بيك

[walaa farouk]

صاحي النهاردة وحاسس بالضيقة
خناقة شغالة جوايّ كأنى اتنين
نفسي حزينة وفاقد شغفى وحاسس أنى مش قادر أعمل أي حاجة،
محبط من نفسي، خايف من بكرة، مش قادر حتى أتكلم مع حد ..
وعقلي بيقولي عدينا بأيام أصعب من كده،
وأنت جدع وياما شوفت وكملت الآخر، ودوشة
وضغط لدرجة أني مش قادر حتى أصلي😟
وفى وسط صراعي شوفت الآية دي
"لِمَاذَا أَنْتِ مُنْحَنِيَةٌ يَا نَفْسِي؟ وَلِمَاذَا تَئِنِّينَ فِيَّ؟
ارْتَجِي اللهَ، لأَنِّي بَعْدُ أَحْمَدُهُ، لأَجْلِ خَلاَصِ وَجْهِهِ. (المزامير ٤٢: ٥)"
للحظات أبتسمت، لما حسيت أن ربنا حاسس بيّ من غير ما أتكلم،
وكأن الله عايز يقولي، عادي أن نفسك تحزن
وده مش معناه أنك مش شايفني ولا حاسس بوجودي،
بالعكس أنا بحترم مشاعرك واحباطك.

يكمل الآية اللى بعد كده "يَا إِلهِي، نَفْسِي مُنْحَنِيَةٌ فِيَّ"
داود راح لربنا يشتكيله من نفسه ويقوله أتعامل معاها
وهو مصدق فيه..

النهاردة باشجعك لو نفسك تعباك، لو في صراع جواك
، روحله برضه هو حاسس بيك، أنا مش عارف هيتعامل معاك
إزاي بس اللي متأكد منه أنه هيتعامل ويطبطب عليك 💜🙏