بالصور طريقة عمل مفرش ارنوب

[Marina Greiss]

ورشة عمل مفرش الارنوب

الباترون

اشتغلى 5 سلسلة واغلقى بمنزلقة

أشتغلى 3 سلسلة هتكون أول عامود عندك وبعدها اشتغلى فى نفس الدائرة 14 عامود واغلقى بمنزلقة يعنى هيكون عندك 3 سلسلة اللى هى أول عامود+14 عامود=15 عامود

السطر الثانى اشتغلى 3 سلسلة هتكون أول عامود +عامود فى نفس المكان يعنى هيكون عندك 2 عامود فى نفس المكان بعدها اشتغلى 2عامود فوق كل عامود من ال 14 عامود اللى فى السطر الأول واغلقى بمنزلقة وكدة هيكون عندك 30 عامود

اعملى دائرة تانية علشان هيكون عندك دائرة جسم الأرنب ودائرة الرأس

هنا اشبكى الجسم بالرأس فقط بثلاث غرز منزلقة
هنا هنعمل الأذن ان شاء الله

اشتغلى 7 سلسلة واتركة اول سلسلة واشتغلى بالترتيب التالى
حشو+حشو+حشو+حشو+حشو+2حشو

هنا بنلف بالابرة وبنكمل الشغل عادى بالترتيب التالى
2 غرزة حشو فى نفس المكان اللى اشتغلتى فيه ال 2 غرزة حشو فى الصورة الأولى
بعدها اشتغلى حشو+حشو+حشو+حشو

السطر الثانى اشتغلى بالترتيب التالى منزلقة+منزلقة+منزلقة+حشو+حشو+حشو+7حشو فى نفس الغرزة التالية+حشو+حشو+حشو+منزلقة+منزلقة+منزلقة

بعدها اقطعى الخيط واشتغلى باللون الثانى غرزة حشو فوق كل غرزة عندك زى الشكل

هنا اشتغلى كمان أذن علشان يكونوا 2

شبكيهم زى الشكل كل أذن ب 3 منزلقة

هنا عملت عيون الأرنوب من الخرز وخيطتها بالخيط العادى وكمان عملت فيونكة الرقبة بالستان الرفيع واختارتة مناسب للون اللى هيكون من الخارج اللى هنعمل منه المستطيل حول الأرنوب

هنا هنعمل الأنف والأرجل

هنا احضرى ورقة صغيرة تكون قوية شوية ولفى عليها الخيط زى الشكل

بعدالوصول للحجم المناسب من الخيط اربطى طرفى الخيط زى الشكل

قصى الخيط من الجهة الأخرى

بعد القص بتطلع ليكى كرة صغيرة بتكون نكوشة شوية

بالمقص حاولى قص الزوائد وترتيبها زى الشكل

بعدها ثبتى الأنف والأرجل بالابرة والخيط وده بيكون شكل الأرنوب
نبدأ

شبكى الخيط بين أرجل الأرنوب زى الشكل واشتغلى 6 سلسلة منهم 3 سلسلة هتكون أول عامود عندك

بعدها اتركى غرزتين من الدائرة واشتغلى عامود

بعدها اشتغلى 5 سلسلة واتركى غرزتين واشتغلى فى الثالثة عامود (هنا ال 2 عامود اللى بينهم 5 سلسلة بتكون أول زاوية عندك من زوايا المستطيل الأربع )

اشتغلى 3 سلسلة+عامود+3 سلسلة+عامود+3سلسلة+عامود+3سلسلة+عامود+3سلسلة+عامود +5سلسلة +عامود+3 سلسلة+عامود فى النصف بين أذنى الأرنوب زى الشكل
ولاحظى هنا انك بتشتغلى وراء الأذن زى الشكل

هنا بتكملى شغل العواميد بنفس الطريقة فى الجانب الثانى

بعد العامود اللى بين الأذن اشتغلى بالترتيب التالى
3 سلسلة+عامود+5سلسلة+عامود+3سلسلة+عامود+3سلسلة+عامود +3سلسلة+عامود+3سلسلة+عامود+3سلسلة+عامود+5سلسلة+عام ود+3سلسلة وأغلقى السطر فى أول 3 سلاسل عندك بمنزلقة زى الشكل

ده بيكون الشكل النهائى بعدها نبدأ الشغل فى السطر الثانى

السطر الثانى اشتغلى 3 سلسلة فوق ال 3 سلسلة اللى فى السطر السابق بعدها اشتغلى 4 عامود فى أول فراغ عندك زى الشكل

الفراغ التالى اللى هو الزاوية عندك اشتغلى 4 عامود+2سلسلة+4عامود

بتكملى بنفس الطريقة لنهاية السطر بمعنى الفراغ العادى اشتغلى 4 عامود والفراغ اللى عند الزاويا فقط اشتغلى 4عامود+2سلسلة+4عامود زى الشكل ولاحظى هنا الشكل فى الشغل من وراء اذن الأرنوب

ده الشكل النهائى للسطر الثانى

السطر الثالث اشتغلى 3 سلسلة بعدها اشتغلى عامود فوق كل عامود عندك واشتغلى فى فراغ الزاوية 2عامود+2سلسلة+2عامود زى الشكل

وبتكملى شغلك عادى عامود فوق كل عامود الى ان تصلى لزاوية التالية وبتشتغلى بنفس الطريقة 2عامود+2سلسلة+2عامود وكملى الشكل لنهاية السطر واغلقى بمنزلقة

الشكل النهائى للسطر الثالث
السطر الرابع والخامس كررى نفس الطريقة فى السطر الثالث

الشكل النهائى للسطر الرابع

الشكل النهائى للسطر الخامس