زوادة اليوم: نصيحة قبل التخرُّج : 26 / 11 / 2023 /

[souad jaalouk]

زوادة اليوم:
نصيحة قبل التخرُّج

الله معك...

بيخبّروا عن تلميذ قبل ما يتخرّج عن مقاعد الدّراسة، قصد مكتب مدير المدرسة لحتّى يشكرو على الـ 15 سنة يلّي قضّاهن بالمدرسة، بس قبل ما ينطلق للمعترك الجامعي طلب منّو تلات نصايح، إبتسم المدير وقلّو :

بنصحك ما تضيّع وقتك بتلاتي :

ما تتحسَّر على الماضي لأنّو ما بيرجع، ما تقارن حالك بغيرك لأنك فريد بالحياة وما حدا بيشبهك، ما تحاول ترضي كلّ النّاس هالأمر من سابع المستحيلات.

الزّوّادة بتقلّي وبتقلّك :

عيش اللّحظة وتذكّر إنّو الربّ عطاك نعمة إسمها نعمة الوقت الحاضر، نيّالك إذا بحياتك كنت مرتاح الضمير وعايش بالتقوى ومخافة الله، ولا يوم تخاف من النّاس، والله معك.

[walaa farouk]

ربنا يبارك خدمتك الجميلة

[Mary Naeem]

شكرا على الزوادة
ربنا يفرح قلبك