تخيَّل طفل يتولد ويكبر يلاقي إسمه "صراعي"

[walaa farouk]

تخيَّل طفل يتولد ويكبر، يلاقي إسمه "صراعي" ..
والسَّبب غيرة وكيد بين راحيل وأختها لِيئة (خالته ومرات أبوه) ..
عشان راحيل مكانِتش بتخلِّف، ولكن ليئة كانت بتخلِّف

2- يعبيص ...سَمَّتْهُ أُمُّهُ يَعْبِيصَ قَائِلَةً: «لأَنِّي وَلَدْتُهُ بِحُزْنٍ»
وَدَعَا يَعْبِيصُ إِلهَ إِسْرَائِيلَ قَائِلاً: «لَيْتَكَ تُبَارِكُنِي،
وَتُوَسِّعُ تُخُومِي، وَتَكُونُ يَدُكَ مَعِي، وَتَحْفَظُنِي مِنَ الشَّرِّ حَتَّى لاَ يُتْعِبُنِي».
فَآتَاهُ اللهُ بِمَا سَأَلَ. (أخبار الأيام الأول ٤: ٩، ١٠)

3- بنيامين .. وَكَانَ عِنْدَ خُرُوجِ نَفْسِهَا،
لأَنَّهَا مَاتَتْ، أَنَّهَا دَعَتِ اسْمَهُ «بَنْ أُونِي» أي بن حزني .
وَأَمَّا أَبُوهُ فَدَعَاهُ «بَنْيَامِينَ» ابن قوتي ويميني . (التكوين ٣٥: ١٨)

يمكن ميكونش ده إسمي ولا أسمك..
بس تخيَّل كام مرة سمِعت كلام جرحَك ووجعَك من شخص ..
لمُجرَّد أن الشخص ده موجوع، وبيطلَّع وجعُه عليك ..
تخيَّل كام مرة سمِعت إهانة وكلام صعب ..
بدون ما يكون ليك ذنب أو جُرم عملته ..
تخيَّل كام مرّة إتحاسِبت وإتعيَّرت بكلام ..
بسبب كلمة أو فضفضة قلتها ببساطة بدون قصد وحش!
أعتقد أن رد فعل "نفتالي" الطبيعي ..
هو أنه يوجَع، زي ما أتوجَع، وكلامه يهدِم زي ما أتهدَم!

لكن الغريب أن يعقوب يقول عنه:
"نفتالي أيّلة مُسَيَّبة، يُعطي أقوالًا حسنة" (تك٢١:٤٩)
المتسمّي صراع بسبب خناقة أتزنق فيها بين راحيل وليئة ..
يطلع حُرّ وأيّلة (يعني غزالة) مُسيَّبة (يعني بتجري)!
اللي سمع كلام عنه يوجع، بسبب إسمه ..
وفضِل إسمه شاهد على خناقة ملوش فيها ذنب ..
يكبَر و "يُعطي أقوالًا حسنة" عكس اللي اتقال عليه وسمعه!

وكمان يعبيص اللي صلي صلاه فارقه ف حياته
وبنيامين اللي سمته أمه بن الحزن وأبوه قال لا ده بن القوة