|
 |
 |
 |
|
رقم المشاركة : ( 1 )
07 - 08 - 2014, 03:46 PM
|
|||||||||||
|
|||||||||||
 وقفت قصاد صورتها وسألتها بالإيمان بيني و بينك يا عدرا فاكرة أيام زمان ؟! ف أول يوم فراق لحظة قلبك ما اشتاق ل ضناكي وابن بطنك ومحدش داري بيكي والبيت فاضي عليكي والعمر قصاد عينيكي سحابة ذكريات قلبك مش راضي يقبل و يصدق إنه مات شفتيه طفلك بيحبي و فوق إيدك ينام شفتيه داخل عليكي يرمي عليكي السلام وللا نجار تمام وللا الابن الحنين سندك ف الناصرة..لما يزيد الكلام بيني و بينك يا عدرا مع نفسك جبتي سيرته ؟! وحضنتي إزاي هدومه علشان تشمي ريحته معقولة يوميها نمتي والذكري قصاد عنيكي كانت متجمعه ! حسيتي بإنه جنبك فضحكتي ساعتها لكن .. وعينيكي مدمعه قولتي ف سرك "واحشني" عنك إيه اللي حاشني يا ضنايا .. يا ابن بطني .. يا يسوع .. يا مخلصي .. .. وساعتها الصورة نطقت: "ودي حاجة تتنسي؟!" مينا مجدى 
|
|
العرض الشجري