منتدى الفرح المسيحى - وقفت قصاد صورتها/ الشاعر مينا مجدى

منتدى الفرح المسيحى (https://www.chjoy.com/vb/index.php)

- قسم المواهب المسيحية (https://www.chjoy.com/vb/forumdisplay.php?f=147)

- - وقفت قصاد صورتها/ الشاعر مينا مجدى (https://www.chjoy.com/vb/showthread.php?t=305003)

وقفت قصاد صورتها/ الشاعر مينا مجدى

https://upload.chjoy.com/uploads/1407426366441.jpg

وقفت قصاد صورتها
وسألتها بالإيمان
بيني و بينك يا عدرا
فاكرة أيام زمان ؟!
ف أول يوم فراق
لحظة قلبك ما اشتاق
ل ضناكي وابن بطنك
ومحدش داري بيكي
والبيت فاضي عليكي
والعمر قصاد عينيكي
سحابة ذكريات
قلبك مش راضي يقبل
و يصدق إنه مات
شفتيه طفلك بيحبي
و فوق إيدك ينام
شفتيه داخل عليكي
يرمي عليكي السلام
وللا نجار تمام
وللا الابن الحنين
سندك ف الناصرة..لما يزيد الكلام
بيني و بينك يا عدرا
مع نفسك جبتي سيرته ؟!
وحضنتي إزاي هدومه
علشان تشمي ريحته
معقولة يوميها نمتي
والذكري قصاد عنيكي كانت متجمعه !
حسيتي بإنه جنبك
فضحكتي ساعتها لكن .. وعينيكي مدمعه
قولتي ف سرك "واحشني"
عنك إيه اللي حاشني
يا ضنايا .. يا ابن بطني .. يا يسوع .. يا مخلصي
..
..
وساعتها الصورة نطقت:
"ودي حاجة تتنسي؟!"

مينا مجدى