تأملات كتابيه بالعامية ( النسب مهم )

[walaa farouk]

انجيل متى
الاصحاح الاول

1- نسب السيد المسيح مت 1 : 1-، 17

الروح القدس بيسجل نسب المسيح من اول ابراهيم لحد يوسف النجار...
النسب مهم جدا ... اى عريس يتقدم لعروسه لازم يقول نسبه ابن مين بيتشرف بمين؟ مين اكابر عائلته؟
بس ربنا يسوع المسيح لما حب يقدم نفسه لعروسته الكنيسه ويقدم نفسه للبشريه اللى هو جى يفديها ... قدم نفسه بطريقه مختلفه..
قال انه من نسب ملوكى "داود" بس فى نفس الوقت جايب سيره ناس عاديه خالص
قال انه من نسب قديسين "ابراهيم" بس برده مشالش سيره راحاب وثامار
فكرنا بالوعد والعهد لقديسيه وفكرنا ب "التى هى لاوريا" بتشبع
ذكر كل النسب اليهودى بس برده ذكر راعوث اللى من اصل اممى

قصدك ايه ياربى يسوع؟! ليه تقديمك لنفسك غير اى حد بيقدم نفسه؟

قصدى واضح من اول اصحاح فى اول انجيل فى الكتاب المقدس
انا جى اخلص الكل
انا جى اشيل خطايا ومصايب الكل
انا جى للقديس وللفاجر
انا جى للملوك للقاده للشعب للغلابه
لليهودى (اللى بيحاول يظهر بره) وللاممى (اللى مش عارف يخبى عاره وجهله)
انا مكتوب عنى "الرب صالح للكل" مز145 انا ارادتى "ان الجميع يخلصون والى معرفه الحق يقبلون"
انا لا استحى ان انسب نفسي للكل كى اربح الكل..
انا بحب البشريه "بعبلها" وجى اصلحها انقيها اطهرها ابررها اقدسها

ايوه النسب مهم ... عشان كده ياربى يسوع عايز انسب نفسي ليك! عايز اكون من عائلتك من عشيرتك عايز يتكتب عنى " فلستم بعد غرباء ونزلا بل رعيه مع القديسين واهل بيت الله" اف 2: 19

[جوزيف جوزيف]

ربي يباركك ويبارك خدمتك

[كريم ابو الخير]

ربنا يبارك فيك

[walaa farouk]

ميرسى على مروركم الغالى