** مجموعة معجزات للبابا كيرلس السادس **

[بنت معلم الاجيال]

معجزة اخرى

سلام ونعمه من ملك الملوك و رب الارباب يسوع المسيح
انا يا احبائى حدثت معايا معجزة ببركه و شفاعه حبيبى البابا كيرلس و كان نفسى احكيها لكل الناس و اشكر الله انى لقيت المنتدى اللى اقدر اقول فيه المعجزة بيتاعتى
المهم كان زوجى بعد الضائقه الماليه اللى حدثت ليه قرر انه يسافر للخارج و يرجع يزاول نشاطه كتاجر من جديد فدخل السفارة و بنعمه رب المجد اخد الفيزا بيتاعته ب 15 يوم و بعد ما انتهت الفيزاء جهه على اساس
انه هيدخل السفاره تانى و هيخدها لكن لما دخل يجدد و جد انى فى ورق مطلوب بالسفارة ومش هيقدر يجيبه لانه كان لازم انه كان يجيبه بنفسه من هناك
المهم طبعا زوجى كان فى حاله نفسيه وحشه جدا و طبعا انا كمان
المهم كان عندى صورة للبابا كيرلس معلقها على الحائط عندى المهم انا من الزعل و القلق وانا بصه ناحيه الصورة مش عارفه انا غفيلت و نيمت المهم شوفت البابا كيرلس فى الحلم من جوه الصورة بيكلمنى بس انا مش سمعاه فطلعت على الكرسى اللى تحت الصورة و قولتله بتقول اه يا سيدنا
قاللى بقولك ربنا معاكى
انا صحيت من النوم و قولت لزوجى موضوعك هيمشى و حكيتله القصه
شويه و لقيناه صحبه من فرنسا بيتصل بيه و بيقوله انى الورقه خلاص هتوصله فى اقرب وقت
مع ملاحظه اكتر من صديق حاولوا يعملوه الورق ده ولكن كان الرد مش ينفع يطلع الورق ده من غير ما تكون موجود
المهم الورق اللى كانت طلابه السفاره تم و دخل زوجى
وبدل ما تبقى الفيزا ب15 يوم بقت ب6شهور
وبدل ما تبقى فيزا تتجدد من تاريخ انتهائها بعد 3 شهور بقت تتجدد على طول من تاريخ انتهائها
وبدل ما تبقى سفريه مرة واحده بقيت متعدده يروح ويجى كذا مرة طول فترة الفيزا
وهكذا نعمه الرب تتحدث فى قديسيه
ومعزره لطول الرساله ليكم بس ماكنش ينفع الاختصار فيها
وسلام من رب السلام
وشكرا ليك يا حبيبى البابا كيرلس صلواتك وشفاعتك لينا امام رب المجد

[بنت معلم الاجيال]

معجزة اخرى

سلام ونعمة انا كمان حصل معايا معجزة بفضل صلاة البابا كيرلس وبطلب منة يسامحنى علشان اتاخرت فى كتبتها المعجزة هى انا كنت مرتبطة بشخص وكنت بحبة جدا لكن كان فية مشكلة وهى انة لية اخت اكبر منى فى السن ولازم تتخطب الاول وفضلنا مرتبطين اكتر من 3 سنين ولكن فى يوم كنت فى الشغل وكنت بقرا كتاب عن معجزات البابا كيرلس وبصيت لصورة الغلاف وقلتة لبابا مش هتقربها بقى انا تعبت والرد كان سريع جدا ولقية الشخص دة بيتصل ويقولى احنا هنيجى بكرة انا كلمت باباكى وبعد لما جم حصلت مشكلة كبيرة بنا احنا الاتين وبعدنا عن بعد لمدة 3 شهور ويوم عيد الميلاد رحت الكاتدرائية ودخلت مزار الانبا رويس وهناك فى صورة لبابا كيرلس وقعد ابكى قوى وعاتب البابا واقول للعدرا زى ما انتى فرحنا فرحنى وكان الرد اسرع مما يمكن ولاقيتة بيتصل وجالى الكادرائية وقعدنا مع بعد وكان اهلة مصممين ان موضعنا ميكملش ولكن ارادة اللة اقوى من اى ارادة وشفاعة البابا كيرلس وحبيبى مارمينا والعدرا قوية جدا لان كل حاجة تمت كويس جدا وكان ابوية انا كمان مش موافق ان الموضوع يرجع تانى والحمد اللة وشكرا لبابا كيرلس ومارمينا انا خطوبتى انا وهو كنت الاحد اللى فات صلواتهم تكون معنا امين اذكرونا فى صلواتكم وشفاعتك ياباب كيرلس تكون معنا على طول فعلا ابويا المحتاجين والضعفاء ورجل الصلوات والدموع حبيبى البابا كيرلس ومارمينا والعدرا صاحبت القلب الطيب امين

[بنت معلم الاجيال]

معجزة
بسم الاب والابن والروح القدس

اله واحد امين
انا طبيب بيطري كنت اعاني من نزيف حاد من بواسير داخلية منذ اكثرمن 15 سنة ولكنه زاد كثيرا واصبح شبه يوميا- فذهبت الي احد الاطباء الجراحين بالقاهرة لكي ازيلها بمنظار الليزر- لكن عندما كشف الطبيب علي البواسير -افادني بانها في مرحلة متاخرة لا يفيد معها منظار الليزر- وانما يفيد معها الكي بالكهرباء - وعند سؤالي لبعض اصدقائي من الاطباء البشريين افادوني ان الكي بالكهرباء للبواسير الداخلية مؤلم جدا بعد العملية وممكن ان اصاب بقروح في اماكن الكي حيث انني مريض بالسكر - عندئذ تحيرت وقلقت جدا - ماذا افعل والبواسير تنزف كثيرا - وفي يوم الخميس 25/11/ 2009 الساعة 3 عصرا اشارت زوجتي بالذهاب الي طاحونة القديس العظيم البابا كيرلس - فذهبنا وصليت بحرارة الي ربي والهي يسوع المسيح ان يمن عليي بالشفاء بشفاعة قديسه العظيم البابا كيرلس - وطلبت من البابا كيرلس ان يعطيني علامة بانني شفيت ولن اعمل العملية - وحقيقي انه قديس عظيم وسريع الاستجابة - فبعد حوالي ربع ساعة دخل الي الطاحونة راهب وقور ومشهود له بالشفافية والروحانية [ لم اكن اعرفه من قبل وانما عرفت عنه ذلك فيما بعد ] من دير السريان - فذهبت اليه وطلبت منه ان يصليلي لكي لا اعمل العملية فصلي لي وقال لي [ انك مفكش حاجة ] ففرحت جدا ومجدت الله - وانا الان لا اعاني من البواسير ولا من النزيف - حقا ان الله يستجيب الي صلوات القديسين - بركة صلواتهم وشفاعتهم تكون معنا - امين

[بنت معلم الاجيال]

معجزة

هذة احد معجزات البابا كيرلس والعذراء مريم وجميع القديسين الذين تشفعت بهم
عندماكنت فى السنة الثانية من كلية الطب دخلت امتحان الكيمياء الحيويةو لكن الامتحان كان صعب جدا و لم اتذكر شيئا حتى فى الاسئلة السهلةو بالفعل سلمت ورقة الاجابةولم اكن قد جاوبت على اكثر من 5 درجات ثم دخلت امتحان الشفوى والدكتور كان بيسال اسئلة صعبة جدا ولم يكن يقٌدر اى اجابة و بالفعل دخلت لة ولم اجاوب بطريقة جيدة و بدات اطلب من ربنا بشفاعة كل القديسين انى انجح و كتبت ورقة ووضعتها داخل كتاب معجزات البابا كيرلس ونجحت و جبت تقدير جيد ولقد كانت ايد ربنا واضحة انها بالفعل معجزةو ربنا بيقف معايافى كل خطوة فى حياتى و بحس بايدة بتشتغل بوضوح و باعجاز (وليتمجد اللة فى قديسية)

[بنت معلم الاجيال]

معجزة

انا حصل معايا معجزه بشفاعه كليه الطهر العذراء مريم وحبيبي الباباكيرلس ومارمينا.لقد كنت طالبه فى السنه الرابعه بكليه التجاره وكان معى ماده من سنه ثالثه هذه الماده كانت لدكتورصعب جدا وكانت اغلب الدفعه معاها هذه الماده وذلك لان الدكتور فى هذه السنه غير نظام الامتحان حيث انه من المعتاد لهذه الماده ان امتحانها بيكون اكمل واختيارى ولكن هذه السنه جاء الامتحان كله مقالى.وعند اعاده الامتحان فى السنه الرابعه ايضا اغلب الدفعه طلعت بيها للمره الثانيه.فوضعت لهذه الماده ماما العدرا وقولتلها الدكتور ده مش فى حد قادر عليه انتى اتصرفى معاه.لان صعوبه هذا الدكتور كانت على كلى الدفعات واغلب الطلبه كانت لازم تشيل مادته.وقبل الامتحان سالت اكتر من معيد هل الامتحان هييجى مقالى ام لا الكل اجمع انه لا وكلنا ذاكرنا على حسب كلام المعيدين.ونفاجا يوم الامتحان ان الامتحان برضه اسئله مقالى.كل الطلبه انهارت حتى ان بعضهم سلم الورق فاضى وترك اللجنه.وانا قعدت اعتب على العدرا مريم واقولها انتى عارفه انى ذاكرت كويس والدكتور ده مش فى حد قادر عليه حتى انتى ياعدرا مش قادره عليه؟المهم الامتحان كان 8 اسئله مقالى جاوبت على 3 اى كلام وسلمت الورقه وطلعت قبل نص الوقت.خرجت من اللجنه وانا زعلانه جدا وبعتب على العدرا وقولتلها انا مش هروح البيت انا هروح الكنيسه ومش همشى من هناك الا لما تدينى اى علامه انك هتقفي للدكتور ده وهنجح فى الماده وفعلا ذهبت لكنيستى وجلست على احد المقاعد وبنظر بجوارى فجاه لقيت صورتين واحده للباباكيرلس مكتوب عليها( كن مطمئنا جدا جدا ولاتفكر فى الامر كثيرا بل دع الامر لمن بيده الامر) والاخرى لمارمينا فرحت جدا وشكرت العدرا واتاكدت ان دى البشاره لكن لضعف ايمانى قبل النتيجه كنت قلقانه جدا من انى اعيدها للمره الرابعه ولكن مع ظهور النتيجه وجدت انى نجحت فيها كنت مزهوله لانى لم احل غير 3 اسئله وكتبت اى كلام لكن شفاعه العدرا والبابا كيرلس ومارميا لم تتركنى تحت رحمه الدكتور ده ونجحت رغم انفه.وانا على مدار الاربع سنين كل ماده كنت اضع شفيعتها ماما العدرا كنت لازم انجح فيها بتقدير مهما كانت صعبه ومهما كان حلى غير كافى لحصولى على تقدير كنت لازم انجح بتقدير.شكرا كثير للعدرا والباباكيرلس ومارمينا شفاعتهم دائما عنا وتباركنا فى جميع امورنا امين.

[بنت معلم الاجيال]

معجزة

انا حصلت لي معجزة من البابا كيرلس وهي اني عندما كنت في الفصل الدراسي الاول بالكلية نزلت بمادة ضعيف فعاتبت البابا كيرلس لانه وعدني في كتاب معجزات له باني هنجح بتقدير جيد في تلك السنة وفي يوم حلمت بالبابا كيرلسانه جاء كنيستنا وانا جيت ادخل لكن في شماس منعني من الدخول لاني اتاخرت لكن البابا كيرلس شاور للشماس انه يدخلني وقمت من النوم واخذت دي علامة ان المادة هتترفع وبالفعل المادة اترفعت ونجحت وجبت تقدير عام جيد في تللك السنة************* عظيم الله في قديسيه **************

[بنت معلم الاجيال]

معجزة
انا بحب البابا كيرلس جدا وهو دايما معايا وواقف جانبى انا حصلت معايا جاجة وندرت لو انتهت على خير هنشرها ليكوا وهى ان خاطيبى كان بيدور على شقة وتعب كتير فى الموضوع دة وبشفاعة البابا كيرلس اتوفقنا فى شقة حلوة جدا ومناسبة جدا لامكنياتنا وبالفعل قابل خطيبى وكيل صاحب العمارة واتفق معاة واعطى لة الفلوس خطيبى كلها من غير ما ياخد العقد لانة قالة انة هيكتب العقد تانى يوم عند المحامى وهيجبهولة وعدى تانى يوم ومجبش الراجل العقد وكل يوم يقول لخطيبى حجة شكل وفى الاخر مكنش بيرد علية لما يتصل بية ويديلوا معاد عشان يقابلوا ولما خطيبى يرحلوا مش بيلاقية ومر اسبوع على كدة واحنا مش عارفين اخرتها اية ومكنش خطيبى بينام الليل ولا انا من الخوف ان الفلوس تضيع علينا لانة مش معاة اي اثبات انة اعطالة فلوس واخيرا طلبنا شفاعة البابا كيرلس بالحاح ولما كنت بطلب شفاعة البابا وافنح كتبة الاقية بيطمنى ويقولى متخافيش كل المشاكل هتتحل وبالفعل اتصل خطيبى بصاحب العمارة وفى نفس اليوم صاحب العمارة قالة انا هروح للمحامى وهكتب العقود وابعتلك العقد وخالص وعلية الامضى بتاعتة ولو فى اى حاجة هو مستعد يغيرها وبالعفل بعت العقد لخطيبى سليم نشكر البابا كيرلس جدا وبنطلب دايما صلواتة وانة دايما يكون معانا

[بنت معلم الاجيال]

معجزة

الاسم:م.ن.و
بسم الثالوث الاقدس
بعد فقدان الامل
*فى بداية كلامى احب ان اشكرالله على جميع النعم الى أعطاها الية
*واحب اسجل اسفى للاب الحنون رجل الصلاة الباباكيرلس ع التاخرفى ارسال هذة المعجزة بالنسبة الية
انا اتخرجت سنة2010ومثل اى شاب بعدالتخرج يتم تجهيز ورق الجيش الفترة دى كلها كنت ف حالة من عدم الاطمئنان كنت خايف من موضوع الجيش عشان كل الناس رشحتنى انى هادخل ظابط عشان جسمى وطولى وكنت خايف خالص من الموضوع دا عشان ف زميلى نفس الشئ ف جسمى ودخل الجيش كان ظابط بس فى الجيش التانى نزل عسكرى.
بس كنت حاطط أمل عشان نظرى ضعيف وفعلا جى وقت التقديم والكشف الطبى وبالفعل دخلت قومسيون طبى رمدعشان النظرفرحت جدا وحسيت ان ف امل وكان عددالمتحولين قومسيون رمد حوالى 150واحدجى وقت الكشف الطبى ع النظر واتقسمنا دفعات اناكنت ف اخردفعة وجميع الدفع الى كانت قبلى كانت بتاخد غير لائق فرحت جدا وجى وقت الدفعة بتاعتى ودخلت اكشف وطبعا سعقت وانا بسمع الدكتور بيقولى حول ورقك المدرسة يعنى انا لائق بس ازاى وانا نظرى ضعيف وفى ناس نظرها احسن منى واخذت غيرلائق يعنى يارب يابابا كيرلس من 150واحد يطلع 3 بس لائق وانا من ضمنهم
اديقت جدا وخرجت من التجنيد وانا ف قمة الحزن وذهبت الى مزار الانبا مكاريوس وصليت هناك وقولتلة يعنى يرضيك كدا انت والبابا كيرلس ان ابنكم يتبهدل يعنى من 150 واحد اضلع لائق والباقى غير لائق لية كدا بجد انا زعلان .وضبعا رجعت البيت او مادخلت طبعا من وشى الحزين عرفوا انى اتقبلت كلة قلى ربنايشوف الصالح ويعملة ماتديقش.
بعد كدا وقفت صليت وقولت ياباباكيرلس ويامرجرجس والشهيداباسخيرون القلينى والانباكاراس ارجوك اوقفى جمبى وقولت يابابا كيرلس لوخرجت ف الارجة هابعت المعجزة دى عشان يتمجد اسم المسيح والناس كلها تعرف انك مش بتسيب اولادك.
وجة وقت الارجةوانا واريح طابت علامة من البابا كيرلس وفعلان وانا فالعربية وانا واريح التجنيد ف محل كان معلق صورة للبابا كيرلس بس اديقنا جدا لما عرفنا انهم بيندهو بالاسماء الموضوع دا قلقنا جد انا واصحابى وانا كنت واخد كتاب البابا كيرلس معاية ف الدوسية وضميت الدوسية جامد وقولت يابابا كيرلس ارجوك اندة اسمائنا كلنا عشان انا كان معاية 4 من اصحابى وكمان كان معاية زيت من الست العدرا بتاع بورسعيد الى بينزل من الصورة وكلنا دهنا منة وجة الوقت ع البلد بتاعتنا وكلنا انتظرنا وفرحنا جدا لما اول صاحب لينا طلع بيشو وكمان وراة مايكل ومايكل التانى وانا بقول يارب وحسيت ان البابا كيرلس بيقولى اسمك اهو هايتندةوفعلان اسمى اتندة واخدنا كلنا التاجيل مع بعض وفرحنا كلنا محدش رجع زعلان ورحنا المزار وطبعا شكرت الانبا مكاريوس والبابا كيرلس وكل الشهداء والقديسين الى وقفة معانا طبعا العذرا مريم ومارجرجس عشان برضو لية ندرونشكر ربنا كلنا رجعنا فرحانين
وفعلان كن مطمئنا جدا جدا ولاتفكر ف الامر كثيرا بل دع الامر لمن بيدة الامر
ربنا يفرح قلوبكم ع طول وتكون حياتكم مع المسيح
بشكر تانى حبيبى وشفيعى البابا كيرلس الى عمرة ماينسى اولادة صلوا من اجل كتير

[Ƒ̐ὰ̗đƴ]

ربنا يعوص تعب محبتك وخدمتك
ميرسى ربنا يباركك

[بنت معلم الاجيال]