رسالة الى صديقى المسلم

[walaa farouk]

صديقي المسلم ..
تحيه طيبه وبعد
هل تعلم ان المسيحي موحد بالله ؟!
هل تعلم ان المسيحيين مبيعبدوش تلاته .. اطلاقآ ؟!
هل تعلم ان الخمره عند المسيحيين حرام ؟!
هل تعلم ان الكنيسه لما بتطفي انوارها ليلة راس السنه.. بتطفيها علشان نرفع صلاه من قلوبنا لكل العالم .. مش علشان ''نبوس بعض'' ؟!
هل تعلم ان المسيح علمنا ان اللي يبص علي بنت بشهوه نظرته تعتبر زنا ؟!
هل تعلم ان البنت جوه الكنيسه لازم تغطي شعرها وهي بتصلي احترامآ للمكان ولربنا ؟!
هل تعلم ان الراهبه لازم تلبس لبس يغطي جسمها كله ؟!
هل تعلم ان الانجيل مش محرف .. ؟!
هل تعلم اننا مبنعبدش الصليب .. لكنه فخر لينا ورمز مقدس ؟!
هل تعلم اننا مبنسجدش للاصنام ؟!
هل تعلم اننا بنحب كل الناس .. حتي اللي بيكرهونا ؟!
هل تعلم ان كلمة ''ربنا يسامحك'' اللي بنقولها .. مش ضعف .. دي منتهي القوه ؟!
هل تعلم اننا كل يوم بنصلي ف القداس لكل العالم .. وكل انسان .. حتي الحيوانات والنبات ؟!
هل تعلم اننا بنصلي 7 مرات ف اليوم ؟!
هل تعلم اننا بنصوم اربع وجمعه كل اسبوع ؟!
هل تعلم اننا بنصوم اكتر من تلت تربع السنه ؟!
هل تعلم اننا ''بني أدمين'' طبيعيين جدآ جدآ ؟!
..
زي مبقولك كده !!